نەوزاد کاکەڕەش
ناوم(نەوزاد کاکەڕەش سەعدون ئیبراهيم)ه، لە ساڵی 1954 لە #تەقتەق# لەدايک بووم، لە ساڵی 1961 لە تەمەنی حەوت ساڵی چومەتە قوتابخانه هەر لە تەقتەق تا ساڵی 1966-1967 دواتر چومەتە قوتابخانەی ئامادەيی #کۆيە#ی تێکەڵاو، لە پۆلی يەکەمی ناوەندی تاوەکو پۆلی(شەشەمی زانستی) لە کۆيە خوێندوە، لەساڵی 1974 لە ئێران لە شاری (پيرانشەهر) شەشەمی زانستيم تەواوکردووە.
1- لە پۆلی يەکی ناوەندی پەيوەنديم بە ڕێکخراوی (#يەکێتی قوتابيانی کوردستان#)کردوە، تا ساڵی 1970 بەيانی 11 ئازار دواتر بووم بە لێپرسراوی ناوچەی قوتابيان لە کۆيە.
2- لە ساڵی 1974 دوای هەرەسی شۆرش گەڕامەوە عێراق.
3- لە 01-11-1975 بەناونيشانی(مساح) لە فەرمانگەی هۆبەی کشتوکاڵی تەقتەق دامەزرام بە کارمەند.
4- لە 10-06-1977 لەسەر ڕێکخستنی کۆمەڵە گيرام بۆ ماوەی شەش ساڵ حوکم درام، لە 16-08-1979 بە لێبوردنی گشتی ئازاد کرام.
5- لە ڕۆژی 29-05-1987 پەيوەنديم بە هێزی پێشمەرگەی کوردستان کرد لە کاتی ئازادکردنی ناحيەی تەقتەق.
6- لە مانگی (6) ی ساڵی 1988 دوای ئەنفالکردنی ناوچەکانی کوردستان چومە ئێران بووم بە ئەندامی دەزگای دارايی(#يەکێتی نيشتمانی کوردستان#).
7- لە ڕاپەرينی ساڵی 1991 بووم بە لێپرسراوی لێژنەی ڕاپەرينی تەقتەق، لە ڕۆژی 09-03-1991 بەشداربوين لە ڕاپەرينی تەقتەق.
8- لە مانگی(6) ساڵی 1991 بە بڕياری مەکتەبی سياسيی یەکێتی نیشتمانی کوردستان گەرامەوە دەزگای دارايی.
9- لە ساڵی 1988 تا ساڵی 1991 ماڵم لە ئێران لە شاری (پيرانشەهر)بوو، دوای ئازاد کردنی کوردستان گەراينەوە و لە (#شەقڵاوە#) نيشتەجێبووين، تا ساڵی 1992 ئەندامی کارگێری مەڵبەندی ڕێکخستنی سۆران بووم لە شەقڵاوە.
10- لە ساڵی 1992 چوومە پەيمانگای کادران لە شاری #هەولێر#، بۆ ماوەی سێ مانگ بە يەکەم دەرچووم لە پەيمانگاکە.
11- لە 17-7-1993 بە پلەی بەڕێوەبەر لە وەزارەتی دارايی وئابوری دامەزرام لە گومرگی (#ئیبراهيم خەليل#)
12- لە مانگی 12-1994 بوومە بەڕێوەبەری گومرگی هەولێر.
13- لە 27-5-1995 بووم بە قائیمقامی کۆيە.
14- لە ساڵی 1997 تاوەکو ساڵی 2006 سەرۆکی يانەی وەرزشی تەقتەق بووم.
15- لە 26-06-1999 بووم بە قائیمقامی #دوکان#.
16- لە ساڵی 2006 بووم بە جێگری پارێزگاری هەولێر لە کۆيە.
17- لە ساڵی 2007 بووم بە پارێزگاری هەولێر لە کۆيە بە وەکالەت.
18- لە 21-12-2009 بووم بە ڕاوێژکاری ئەمنی وەزيری ناوخۆ لە حکومەتی هەرێمی کوردستان.
19- لە 01-11-2018 بە تەواوکردنی تەمەنی ياسايی لە کارکردن لە تەمەنی (65)ساڵیدا خانەنشين کرام.
20- لە مانگی 11ی ساڵی 1976 خێزانم پێک هێناوە لەگەڵ خاتوو (سوهام ئەمين مستەفا خەیات.
21- خاوەنی شەش مناڵين سێ کوڕ و سێ کچ بە ناوەکانی :-
1- باوەڕ(دەرچوی کۆلێژی زمان بەشی کوردی – ئەندامی پەيوەنديەکانی دەرەوەی (ی.ن.ک) لە سليمانی)
2- بڵێسە (دەرچوی کۆلێژی إدارە و اقتصاد – فەرمانبەرە لە زانکۆی کۆيە و خوێندکاری ماستەرە لە هەمان زانکۆ)
3- دابان (دەرچوی کۆلێژی ياسا-پارێزەر)
4- ئيڤان(دەرچوی کۆلێژی پزيشکی گشتی-پزيشکە لە ووڵاتی سويد)
5- ئاران(دەرچوی کۆلێژی ياسا-فەرمانبەرە لە هەماند کاتدا خوێندکاری ماستەرە لە بواری ياسای گشتی لە زانکۆی کۆيە)
6- ڕاسان (دەرچووی کۆلێژی پزيشکی ددانە – لە بوارەکەی خۆيدا کاردەکات).
22- لە ساڵی 1972 لەڕێگەی شەهيد نامیق تاڵەبانی و مامۆستا شەهيد #حەميد کەريم شانە# لە ئەڵقەکانی ڕۆشنبيری ڕێکخستنی #کۆمەڵەی ڕەنجدەرانی کوردستان# بووم، تا ساڵی 1976 لەگەڵ مام ئەنوەر نادر ئیلنجاغی و چەند هاوڕێيەکی تر و لەگەڵ شەهيد ئەبوبکر بەرزنجی(رەیس بەکر) يەکمان گرتەوە.
23- لە ساڵی(1987) لە لايەن(دادگای شؤرشی عێراق-مەحکەمەی سەوڕەی عێراقی) بڕياری لە سێدارەدانمان بۆ دەرچوو بە(غياب)ی لە گەڵ نيازی برام.
24- لە ئێستادا خانەنشينم لە تەقتەق نيشتەجێم زۆربەی کاتەکانم بەکاری باغ داری بەسەر دەبەم.
25- لە هەر چوار کۆنگرەی (يەکێتی نيشتيمانی کوردستان) ئەندام بووم و لەگشت کۆبونەوە فراوانەکان بەشداربووم.
26- لە ساڵی 1973 ئەندامی کۆنگرەی قوتابيان بووم لە شاری سلێمانی وەک نوێنەری قوتابيانی کۆيە بەشدار بووم لەگەڵ بەڕێزان(خوالێخۆش بوو شێرکۆ عەبدولواحێد و حسێن حەسەن مراد و ئەمير سۆفی بەکر و ئەمير شێخە ڕەسوڵ).[1]