ناوی تەواوی (شوکروڵڵا عوسمان عەبدوڵڵا وەسمان). ناسراوە بە (شوکروڵڵا شێخانی).
هونەرمەندێکی ناوداری بواری شانۆ و درامای کوردیە بەتایبەتی لەشاری #هەولێر#.
بنەماڵەکەی و باوک و باپیرانی خەڵکی گوندی (ئیلنجاغی گەورە)ی دەڤەری (کۆیە)ن لەوێ لەدایک بوون و ژیاون. لە ناوەڕاستی پەنجاکانی سەدەی بیستەم گوندی ئیلنجاغ بەجێدەهێڵن و ڕوودەکەنە شاری (هەولێر) و لەوێ دەگیرسێنەوە و نیشتەجێ دەبن. شوکروڵڵا شێخانی لە ساڵی 1956 لەشاری هەولێر لەدایک بووە. لە دەیان کاری شانۆیی و درامای تەلەفزیۆنیدا بەشداری کردووە و ڕۆڵی دیاری هەبووە و ئەکتەرێکی بەتوانایە. بەهۆی نەخۆشیەکی کتوپڕ لە چاویدا ڕووی کردە وڵاتی (سوێد) و ئێستاش لەوێ نیشتەجێیە.