بەپێی ڕاگەیێندراوەکە لەبەر دۆخی تەندروستی و پێداویستی خەڵک، ژووری ئۆپەراسیۆنی پارێزگای #هەولێر# بە ڕاوێژ لەگەڵ وەزارەتی تەندروستی و #وەزارەتی ناوخۆ#ی حکومەتی هەرێمی کوردستان، بڕیاری کردنەوەی ئەو شوێنانەی داوە بەم مەرجانە:
یەکەم/ کردنەوەی نۆڕینگە و سەنتەر و کۆمەڵگە پزیشکییەکان ئارەزوومەندانەیە.
دووەم/ لە هۆڵی چاوەڕوانی نابێت لە چوار نەخۆش زیاتری لێبێت و نێوانی هەر یەکێکیان لە دوومەتر کەمتربێت.
سێیەم/ پزیشک دەبێت دەستکێشی لەدەستبێ و ماسک ببەستێ.
چوارەم/ نەخۆش نابێت لە یەک هاوەڵ زیاتری لەگەڵ بێ و دەبێت هەردووکیان ماسکیان بەستبێ.
پێنجەم/ ڕۆژانە نۆرینگە و سەنتەر و کۆمەڵگە پزیشکییەکان پاکژبکرێنەوە.
شەشەم/ ڕۆژانە نابێت له 15 نەخوش زیاتر ببینرێت.