دەڵێی فیشەکە شێتەیە
فیشەک هەندێکجار کۆنترۆڵ ناکرێت و ئامانج ناپێکێت، یان لە پت دەردەچێت و دەچێت بە ئاسماندا، ئەم ئیدیۆمە بە یەکێک دەگوترێت: کە زۆر زوو توڕە دەبێت و هەر لەخۆیەوە هەڵدەچێت و بارودۆخی نالەبار دەبێت، هاوشێوەی ئەم ئیدیۆمەش هەیە، وەک ئەوەی دەگوترێت: (دەڵێی نیسکە هەڵدەچێت)، هەڵچوون لێرەدا وەک میتافۆرێک خوازراوە بەرانبەر بە زوو توڕەبوون، هەروەها دەشگوترێت: (دەڵێی سرکە و سماقی خواردووە)، لەبەر ئەوەی خواردنی شتی ترش و تفت، پێدەچێت مرۆڤ توڕە بکات و زوو هەڵبچێت، هەروەها (دەڵێی بزنە)، بە کەسیکی نەفامی نەزان دەگوترێت.[1]