نامۍ: ژینا
نازنام: ئەمینی
نامۊ تاتەی: ئەمجەد ئەمینی
نامۊ ئەڎێ: موژگان
ساڵۊ پېڎابېیەی: #2000#
ڕۊ مەرڎەی: #16-09-2022#
یاگۊ پېڎابېیەی: #سەقز#
یاگۊ مەرڎەی: #تاران#
$ژیۋانامە$
ژینا ئەمینی ئەژناسیێ بە #مەهسا ئەمینی# پېڎابېیۊ ساڵۊ 2000 جە شارو سەقزو وەرکۆتو کورڎەسانی، چە کاتو گەشتېۋېنە چنی خېزانەکەیش پەی تارانی، جە لایەنو ھیزە ئاساییشییەکا حکومەتیۆ بە بەھانەو پەیڕەۋنەکەرڎەی بنەماکا سەرتاپۊشی ئیسلامییۆ دەسبەسەرە کریا، ھەرچڼە ئەڎاو ژینای ئاماژەشدان، کە ژینا سەرتاپۊشە(باڵاپۊشە) بېیېنە، بەڵام بە مەڵامەتو ئەشکەنجەدایش بە سەختیی زامڎارە بېیېنە و ۋەرو سەختیی زامەکەیش دماو یەرۍ ڕۊۋا ئەۋەمەنەی جە خەسەخانەنە(نەوەشخانە)، ڕېکۆتو 16-09-2022 جە خەسەخانەو کەسراو تارانی گېیانش بەرشېیەن.
تیرۆرکەرڎەی ژینا ئەمینی ناڕەزایەتیېۋی فرەش جە ئێران و جە جەھانەنە ھۊرخېزنا. پا بۊنۆ ڕۊ 19-09-2022 جە وەرکۆتو کورڎەسانینە مانگېرتەی گرڎینەیی جاڕدریا. ھېزەکۍ دۆڵەتی چە وېنیشاندەرا تەقەشا کەرڎ و ئانەیچە بی بە مەڵامەتو گېیانبەخشای و زامڎاربېیەی فرە کەسا تەری و تەشەنەکەرڎەی ناڕەزایەتییەکا پەی گرڎو ھەرېمەکا ئێرانی و سەرەنجام ژینا ئەمینی بېیە بە مەشخەڵۊ ناڕەزایەتی و ئازاڎیوازیی و خېزیای چۆسیایا چە سەرتاسەرو ئێرانینە و تەنانەت خېزیاو ئی جارەو شارەکا ئێرانی بە نامۊ ژینا ئەمینی ئەژناسنیا و جەھانەنە دەنگشداۋە.
[1]