ئەرسەلان کامکار ژ دایک بوویێ #23-12-1960# یێ باژێڕێ #سنە# یا ڕوژهەڵاتێ کوردستانێ یە. هەنووکە ئێک ژ دیارترین ژێنەرێن کورد یێ هەردوو ئامیرێن ڤیۆلۆن و عوودێ یە و سەرپەرشتیارێ گروپا موزیکا #کامکار#ە. ئەرسەلان موزیکێ لدەف بابێ خوە #حەسەن کامکار# فێربوویە، هەر ل دەستپێکا ژیانا خوە یا هوونەری دە تەڤی گروپێن موزیکێ یێن باژێڕێ سنە کوو بابێ و سەرپەرشتییا وان دکر ل کۆنسێرت و جڤینێن هونەریدە پشکداری کرییە. ئەو ژی وەکە ئەندامێن دن یا خێزانا خوە ژبوو زێتر فێربوونا مووزیکێ ل سنەیێ بەرەڤ تەهرانێ کۆچ کرییە و ل پشکا هوونەرێن جوان یا زانینگەها تەهرانێ مژویلی خوەندنێ بوویە، ئەرسەلان پشتی بدەست ئانینا باوەڕناما زانینگەهێ دبوارێ موزیکێ دە کاری وەکە ژەنیارێ ئامیرێ ڤیولۆنێ ببیتە ئەندامێ ئۆرکێسترایا سەمفۆنیکا فەرمی یا تەهرانێ. هەیا نها ژی ئێک ژ ئەندامێن گرنگ یێ وێرێ یە و د هەمان دەمدە مایستێر ئۆرکێستەرێ فیلارمونیکا کوردستانێ ژیکە و کەسێ ئێکێ یێ گروپا کامکارانە. ژبەر زیرەکی و ژێهاتیا خوە دبوارێ موزیکێ دە سالا 2013ێ دە باوەڕناما پلە ئێک یا موزیکێ ل وڵاتێ ئیرانێ بدەست خوەڤە ئینا. هەیا نها خولێن موزیکێ کو ئەو سەرپەرشتییا وانا دکەت یێن بەردەوامن و ژ ئالێ پشکداریا فێرخوازان ڤە پلەیا ئێکەم هەنە.
د دەربارێ هەر دوو ئامیرێن ڤیولۆن و عوودێ دبێژیت کوو ژەنینا ئامیرێ ڤیولۆنێ ئەز لدەف بابێ خوە فێر بوویمە و بەس ژبەرکوو سەردەمێ مە ژێدەرێن ڤیولۆنێ زوور بوون من بڕیارا هندێ دا کوو خوە فێری ژەنینا ئامیرێ عودێ ژی بکەم . ئەرسەلان د چاڤپێکەتنەکە خوە یا تەلڤزیونی دبێژێت کوو ژەنینا دوو ئامیرێن موزیکی یێن کوردی و ڕوژهەڵاتی توو زەحمەتییەک دناڤ دە نینە.
ئەرسەلان کامکار هەیا نها چەند کۆنسێرت تەڤی هونەرمەندێ مەزنێ کورد #شەهرام نازری# هونەرمەندێ مەزنێ ئیرانی محەمدە رەزا شەجەریان ئەنجام داینە و ئەڤە بوویە ئەگەرێ هندێ کوو کارێن وانا سنووران ببەزینن و ببنە موزیک ژەنێن جیهانی. ئێک ژ کارێن هەرێن جوان یێن ئەرسەلان کامکار کارێ موزیکیا ( بیرهاتنا #عەلی ئەسغەرێ کوردستانی#)یە.[1]