ل ڕێککەفتا #16-08-1946# ل باژێڕێ #مەهاباد# یا پایتەختا کۆمارا دەموکراتا کوردستانێ ژدایک بوویە، ژبەرکوو باب و ماڵباتا وی پێشمەرگەهێن شوڕەشا #بارزان# بوون، تەڤی #مستەفا بارزانی# پشکدارییا کۆمارا دەموکراتا کوردستانێ ل مەهاباد کرییە.
قوناغێن خوەندنا سەرەتایی ل دەڤەرا بەرواری و ناڤەندی و ئامادەیش ل #هەڤلێر#ێ تمام کرینە.
ساڵا 1966 - 1967 ل کۆلێژا زانستی و پشکا کیمیایا زانینگەها #مووسڵ#ێ بوویە، لێ ژبەر چالاکی یێن سیاسی هاتییە دەستەسەر کرن و بڕیارا دیرخستنا وی ژبو زانینگەها بەسڕایێ هاتییە دایین و ل ساڵا 1972 خوەندنا خوە تمام کرییە.
ساڵا 1963 لسەر چالاکی و هەوەستی یێن سیاسی و کوردایەتی ژبو ماوێ 3 مەهان ل موسەیەب هاتییە دەستەسەر کرن و ساڵا 1968 جارەکە دن ل ڕومادی دەستەسەر کرییە.
ساڵا 1964 بویە ئەندامێ #پارتی دیموکراتی کوردستان# و ساڵا 1970 دبیتە ئەندامێ سکرتاریەتا #یەکێتی قوتابیانی کوردستان#.
ساڵا 1972 پەیوەندی ب شوڕەشا ئەیلوول دکەت و دبیتە پێشمەرگە.
ساڵا 1975 ئاوارەیێ ئیرانێ بوویە و لوێرێ هاریکاریا شەهید #ئیدریس بارزانی# دکەت ل کاروبارێن ڕێکخستن و هاریکاریا شوڕەش و پەنابەران.
ل دامەزراندنا سەرکردایەتیا دەمکی ڕۆڵەکە کارا هەبوویە و ساڵا 1977 جارەکە دن پەیوەندی ب شوڕەشێ کرییە.
ساڵا 1979 ل کۆنگرەیا نەهەم یا پارتیا دەموکراتا کوردستانێ دبیتە ئەندامێ کۆمیتەیا ناڤەندی، هەڤدەم دبیتە بەرپرسیارێ لقا 3 و 5.
ساڵا 1979 دەمێ کوو ڕژێما بەعس هەوڵا تەرۆرکرنا #مەسعود بارزانی# دا، ئازاد بەرواری لوێرێ بوو، لڤێ هەوڵێدە بریندار بوو.
ساڵا 1982 بویە بەرپرسیارێ مەکتەبا پەیوەندی یێن پارتی و بەرەیێ کوردستانی ل سووریا.
ساڵا 1993 ل کۆنگرەیا 11یا پارتی بویە ئەندامێ مەکتەبا سیاسی و بەرپرسیارێ پەیوەندی یێن ئیقلیمی و نشتیمانی.
ساڵا 1996 دبیتە کارگێڕێ مەکتەبا سیاسی و بەرپرسیارێ مەکتەبا ناڤەندیا ڕێکخستن.
ساڵا 1999 جارەکە دن ل کۆنگرەیا 12 ێدە بوویە ئەندامێ مەکتەبا سیاسی .
ساڵێن 2001 - 2004 بەرپرسیارێ مەکتەبا ناڤەندیا ڕاگهاندنا پارتی بوویە.
خێزاندارە و 2 زارۆکێن خوە هەنە.
زمانێن کوردی و عەرەبی و فارسی ب باشێ دزانیت و هندەک ژی زمانێن ئینگلیزی و ئەڵمانی دزانیت. ل کابینەیا شەشێ یا #حکومەتا هەرێما کوردستان#ێ، بوویە جێگرێ سەروک وەزیران. [1]