کورد دلۍ چەرخەکا تاریخینە
بەشۍ: نوزڎەهەمە
نویستەی: #هاوڕێ باخەوان#

ساڵەو (1370-- 1330) وەڵۍ زایینی
ئەچی ساڵېنە پاشاو هەتیتی بە نامۍ (یوبی لوکمە) نامۍ میللەتێش بەردېنە بە نامۍ کورد_ جورد، کە ڕەنگە بابایانو کوردانی بان. ئی بەڵگە ئانەیە نیشانە مڎۊن هەکە میللەتو کوردی وەڵینێوە دوور و تاریخیش بېیەن و هەن.
هەر ئەچی ساڵېنە سەروەختو فەرمانڕەوایی خاراخارداشی کاشی بېیەن، کە ئی پاشا کناچۍ پاشاو ئاشووری (ئاشوور ئوبالیتی) ش مارە کەردېنە.
ئەچی ساڵېوە، یانی ساڵەو (1370) وەڵۍ زایینی تاکو ساڵەو (1349) وەڵۍ زایینی سەردەمو فەرمانڕەوایی پاشای میسری (ئامون حوتبی چوارەم_ ئەخناتون) ی بېیەن، ئی پاشا شازادەو میتانی (تادوهیبا_ نێڤەرتیتیی) ش مارە کەردېنە، ئا نزیک بېیەیۆ بېیەن بە مەڵامەتێ پەی ئاشتی و نزیکی میسرییەکا و میتانییەکا.
ساڵو (1365) وەڵۍ زایینی تاکو ساڵەو (1330) وەڵۍ زایینی ماوەو فەرمانڕەوایی ئاشوور ئۆبلەتی یەکەمی پاشاو ئاشوورییەکا کە چا سەردەمو دەسەڵاتیشەنە پاشانشینو میتانییەکاش ۋڕنان.[1]