پەی برا و واڵە وەشەویسەکا
نویستەی: #ئیبراهیم میکە عەلی#
واڵېوە یام براڵێوە تاخایتێ ژەن و زاڕوٙڵەو ویٛچت، ئەر نەتاواش یام نەزاناش بەزوانەکەو ویٛش بنۋېسٙنە و بە زوانێوە تەر پوٙستێوە یام نامۍوە یام کوٙمیٛنتێوەش پەی نویستی، توٙیچ هەڵەکەو ئاڎی دوەبارە مەکەرۊ و بەزوانو ویٛت جوابش دۆ.
ئینە نەک تەنیا پەی واڵەو براڵە ویٛمانەکا، بەڵکو پەی خەڵکی تەریچ ئەشوٙم حەولیٛ دەی توٙ بە زوانو ویٛت و ئاڎیچ بەزوانو ویٛش قسیٛ کەروٙ.
باوڕ کەردیٛ ئەر ویٛما قەڎرو زوانەکەو ویٛما گیٛرمیٛ برا و واڵەی سوٙرانیچ حەز کەرا فیٛریٛش با و حیچ نەبوٙ یاواشەنە، وەلێم داخەی سەختە ئانیٛنە ئیٛمە ویٛما وەڵیٛ گردکەسینە زوانەکەو ویٛما وزمیٛ پەشتەو کەنوٙڵا.... باوەسیٛبۊ.
خانای قوبادی زیاڎ جە یەرەسەڎساڵا چېوەڵ واتەنش:
مەعلومەن جەدەور دنیای بەڎ ئەندیٛش
دڵشادەن هەرکەس وە زوان ویٛش.[1]