یاڎەوەریێوە ساڵەکا حەفتای جە مەکتەبو گوڵپی
وەخت زمساناو فاڕیێنمێوە مەکتەبە تازەکەو دەگێ جە کەماڵاوا، مەکتەبەکە پەی چن کەسێما دوورکەوتەبێوە، وەرۋێ فرێ وارێبێ، من و بەڕېز مامۊسا ئیبراهیمو لالۊ مەیکەی فرە زوو لوێنمێ پەی مەکتەبی، فرەو سەعبانا یاوێنمێ مەکتەب هەڵای لالۊ ئەحمەد بەگی ڕەحمەتی نەیاوێ کە چاگە کارگوزابێ، پاسە بزانو سنفو یەرێ ئیپتدایی بێنمێ زوو لوێنمێ مەکتەب سەعبەنە یاردی لالۊ ئەحمەدی دێنمێ عەلادینەکا گیسنێنمێنە سنفەکانە، ڕوێ فرەزو لوایمێ دنیا بەستەبېش فرە سەردبێ کەس نامابێ، بەرەو مەکتەبیچ نەکریابێوە، خاس ویرما چەنی کاک برایمی سەردایێ دەسما کەرد گرەوای.
حەیبەتیێنە وېما کەرد یانەو لالۊ حەسەنو فەرەجی ڕەحمەتیرە هامسێ مەکتەبی بێنێ نوەیو شەلەمیو چېوی تەر ورەشێنێ.
ۋەرو ئانەیە کوچێ گەرمما بۊوە ڕوانەو ئېمەیچ پەنچ فلسێبێ چاگە داما بەنوەیاوەو واردەما و ئاهێما پەی گېڵاوە.
سڵام چا ڕوا ئېمەشا یاونایمێ پی تەمەنە
سڵام پەی تەمامو ئا مامۊسایا گوڵپی ئینێ تەمەنەنە ڕۊحو ئانیشایچ شادبۆ کە کۆچشا کەردەن و نەمەنێنێ
زېڵیو لالۊ ئەحمەد بەگیچ شادبۆ.
سڵامو ڕېزو وەشەویسیم پەی برای بەڕېزیم مامۊسا ئیبراهیمی هومێدو تەمەن درێژیش پەی موازو ان شااڵلە.
ئیسماعیل گوڵپی.[1]