کورد دلۍ چەرخەکا تاریخینە
بەشۍ: شاڼزەهەمە
نویستەی: #هاوڕێ باخەوان#

ساڵەکانو (1420-- 1410)وەڵۍ زایینی
ساڵەو (1420) وەڵۍ زایینی سەردەمو فەرمانڕەوایی (بونابوریاشی کاشی) بېیەن، کە چەنی ئاشوورییەکا ناتەبا بېیەن و دلۍ شارو (لارسا)ینە مەعبوود(پەرەسیێوە)ش پەی خوڎاو ڕۊجیاری وەشکەردەن، یانی پێکەرێ کە نمایەندەو خوڎاو وەرەتاوی بۊن سەرو زەمینیۆ، پەی ئانەی خەڵکو دلۍ مەملەکەتەکیەش بپەرساش.
هەر بەپاو بەڵگەنامە ئېزیاکا کە شۊنەوارئەشناسەکا ئېستېنێ بەرکۆتەن ئەچی سەدەنە میتانییەکۍ تاوانشان ئا سەرزەمینا چېرو دەسو میسریەکانە ڕزگارۍ بکەران کە وەڵتەر داگیرېشان کەردېبېنۍ.
دمای دوۍ دەیا، یانی ساڵەو (1410)وەڵۍ زایینی سەردەمو فەرمانڕەوایی کوڕو گالزۆی یەکەمی کاشی بېیەن دلۍ دەشتەو لیتەیینە، هەر ئېڎییچ بۍ کە زەکوڕەی بەنامبانگەو شارو عەقەرقوفیش وەشکەرد.[1]