نینۆکەکان ڕەنگدانەوەی تەندرووستیی جەستە و شێوازی ژیانە، دەرکەوتنی بە شێوەیەکی جوان متمانەبەخۆبوونی زیاترت پێدەبەخشێت.
ڕەنگە لە ئەنجامی چەند هۆکارێک نینۆکەکان ڕەنگیان گۆڕابێت و زەرد بووبێتن، بە چەند ڕێگەیەک دەتوانیت چارەسەری بکەیت.

1. هەویری ددان و سۆدەی نان تێکەڵ بکە، پاشان بیدە لە نینۆکەکانت، هیچ کاریگەرییەکی لاوەکی جێناهێڵێت و نینۆک سپی دەکاتەوە.
2. بایەخ بە خواردنی زینک و بایۆتین بدە، بەتایبەتی لە ڕێگەی خۆراکەوە، چونکە نینۆکەکان ڕەونەقدار و بەهێزدەکەن، بە ئاسانی ناشکێت.
3. ئاو و لیمۆ تێکەڵ بکە، با ئاوەکە کەمێک سارد بێت، نینۆکەکانتی تێبکە بۆ 2 تا 3 خولەک، دوایی دەستت دەربکە و چاوەڕێ بکە وشک بێتەوە، پاشان بیشۆ، ڕۆڵی زۆر کاریگەریی هەیە لە سپیبوونەوەی نینۆک، بەڵام نابێت لیمۆ بۆ ماوەیەکی زۆر بە دەستتەوە بمێنێتەوە، ئەگەر نا زیانی دەبێت بۆ پێست.
4. ڤیتامین E بەکاربهێنە، چونکە دژە کەڕوە، لە ڕێگەی خۆراکەوە بەدەستی بهێنە، یان بە زەیتی بادەم مەساج بۆ نینۆکت بکە، یان حەب بەکاربهێنە، بەڵام لەژێر ڕێنمایی پزیشکدا. [1]