مەیکە ڕاوە ڕێوی
ڕێوی یەکێکە له و ئاژەڵانەی کە لە زۆربەی گەلانی دونیادا کۆکن لەسەر فێڵبازییەکەی و له زۆرێک لە چیرۆک و گۆتە و قسەی بەرئاگردانیاندا ڕەنگی داوەتەوە، هەڵبەت لەنێو میللەتی کوردیش وەک ئیدیۆم ڕێوی زۆر بەکارهاتووە ئەگەر تێبینیش بکرێت ئەوا هەرجارەی کە باسکراوە گوزارشتی تەڵەکەبازی و فێڵبازی تێکەوتووە وەک(دەڵێی ڕێوی قەمچوغەیە، شایەدی ڕێوی کلکی بێت، ڕێوی بەشاگرد وەرناگرێ، فڵانە کەس ڕێوییە و...تاد
یەکێک لەدیارترین فێڵی ڕێوی ئەوەیە لەکاتی ڕاوی ڕێویدا ئەنجامی دەدات ئەویش کاتێک لە زورگ(سورک) ڕێوییەک دەکەوێتە بەرچاوی ڕاوچییەک خێرا خۆی دەرباز دەکات و بۆ پشتی ڕاوکەر دەڕوات و لەپشتەوە سەیری ڕاوچییەکە دەکات و ڕواچیەکەش بەهەڵەداوان بەره و شوێنی بینینی یەکەمجاری ڕێوییەکە دەڕوات و ڕێوییەکەش ئاڕاستەی ڕاکردنەکەی خۆی گۆڕیووە، ڕاوە ڕێوی لێرەدا بووە بە ئیدیۆم هەرکەسێک بەمەستی شێواندن وگاڵتەجاڕی و فێڵبازییەوە بیەوێت بابەتێک، باسێک بگۆڕێت پێی دەوترێت(مەیکە ڕاوە ڕێوی).[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,658 times