ناونیشانی بانەت: کارەساتی #هەکاری# خیانەتێک لە هەلومەرجێکی مەترسیداردا!
ئامادەکردن: #عەلی دەروێش#
کارەساتی هەکاری خورپەیەکی ترسناک و مەترسیداربوو بۆ گەلی کورد، یەکێتی ، شۆڕشی نوێ ، شۆڕشی کورد بەگشتی، هاوکات ژەهراویترین خیانەتبوو کەهێزێکی کوردی بێ سڵەمینەوە لەدەرهاویشتەکانی لەهەلومەرجێکی مەترسیداردا ئەنجامیدا،
کورد هەمیشە لەپێناو گەیشتن مەمافەنەتەوەیی و نیشتمانییەکانیدا خەباتی کردووە، لەزۆربەی سەرچاوە مێژووییەکاندا ئاماژەبەلێهاتووی کوردکراوە، زۆرجار هێزە ڕکابەبەرەکان بۆزاڵبوونیان بەسەریەکتر و یەکلاییکردنەوەی ململانێکانیان لەگەڵ یەکتر پەنایان بۆشەڕکەرانی کورد هێناوە و کوردیان کردووە بەکەرەستەی سەرکەوتن بەسەریەکتردا،
دیارترینیان ململانێکانی نێوان هەردووسەفەوی عوسمانیە کە هەردوولا سوودیان لەتوانای شەڕکەرانی کورد وخاکی کوردستانیان بەکاردەهێنا، شەڕی چاڵدیرانیش یەکێکە لە دیارترین نموونەکان، خراپترین و مەترسیدارترین بەکارهێنانیش دروسکردنی ناکۆکی و بەگژ یەکدا دانی میرنشین و هێزە کوردەکانبوو لەنێوان خۆیاندا،
هەمیشە پاڵنەری ئەم دیاردە ترسناکە لە ئەنجامی خۆش باوەڕی و ساویلکەیی سیاسیە کوردەکانبوو لەپێناوهەندێ دەسکەوتوو بەڵێنی بێبنەمای دوژمناندا،
لەدووای کەوتنی عوسمانی سەفەوی و هاتنە پێشەوەی هەلومەرجێکی نوێ دەکرا قیادەی سیاسی کورد کەڵک لەهەڵەکانی ڕابردوو وەربگرێت و چیتر نەبێتە داشی دامەی شۆڤێنیستەکانی دژبە گەلەکەی، بڵام مخابن لە مێژووی نوێدا هەمان هەڵەی ڕابردوو بەقەبارەیەکی گەورەترو ترسناکترەوە لەئەنجامی کاڵفامی و خۆفرۆشی هەندێ بەناو سیاسی کورد ئەبدێت کرایەوە، ئەمەلەکاتێکدابوو لەوکاتەداکورد لە هەمووکاتێک زیاتر قوربانی دەستی نەیارانی بوو لە هەمانکاتدا پێویستی بەیەک ڕیزی هەبوو لەبەرئەوەی ماوەیەکی کەم بەسەر هەڵوەشاندنەوەی گەورەترین شۆڕشداتێپەڕی بوو واتە لە هەمان کاتداکورد لە بەردەم پیلانگێڕی و مەرگێکی حەتمیدابوو ،
کارەساتی هەکاری جەگەلەوەی لەوکاتەدا گورزێکی کوشندەبوو بەریەکەم بڵێسەی شۆڕشکەوت هاوکات یەکەم موئامەرەو پیلانگێڕی دەرکیشبوو لەهەلومەرجی نوێدا بە هاوکاری هێزێکی ناوخۆیی ئەنجامدرا، هەرئەمەیشبوو ڕەوتی شۆڕشی گۆڕی شۆڕشی بارگاویکرد، بەڕق، کینە، توندوتێژی، لەنێوان براکاندا، بوو بەبناغەی دابەشکردنی جوگرافیا و جۆشدانەوەی ئاگری شەڕی ناوخۆ، لە هەمان کاتدا شۆڕشی لەفئومی سەرەکی لادا و کۆدەنگی و یەکێتی نەتەوەیی تێکشکاند، وایکرد تا ئێستایش وەک پیویست کەڵک لەدەرفەتەکان نەبینرێت و کورد لەمەڕکێشە نەتەوەییەکانی کۆدەنگ نەبێت، جارێکی دی لە مێژووی نوێدا خیانەت و دەسکێشی بێگانەی کردەوە بەنەریت، نەریتێک هەتاهەنکوکەو ڕەنگە بۆهەمیشە بەباڵای ئەم نەتەوەیەدا بدورێت،
سەرکردایەتی کاتی پارتی قیادەموقەتە (قم) کەبەئیعازی تورکیا، ئێران، ئێراق، ڕۆڵی سەرەکیان لەسەرشانۆی ئەم خیانەتەدادەبینا، لەبێناو دەسکەوتێکی کەمدا هیچ بیریان لەدەرهاویشتەخراپەکانی نەکردەوە و بێباکانە پلانەکەیان لەبەرژەوەندی دوژمنانی گەلەکەیان ئەنجامدا،
ئامادەکردن: عەلی دەروێش
07-07-2023
کارەساتی هەکاری یەکەم خیانەتبوو لەدووای هەڵگیرسانەوەی شۆڕشی نوێ بەئیعازی سێ وڵاتی نەیار لەلایەن سەرکردایەتی کاتی پارتی قیادەموەقەتە (قم) بەرامبەر شۆڕش. [1]