🏠 دەستپێک
تۆمارکردنی بابەت
کوردیی ناوەڕاست
Kurmancî - Kurdîy Bakûr
English
کرمانجی - کوردیی باکوور
هەورامی
لەکی
Kurdîy Nawerast - Latînî
عربي
فارسی
Türkçe
עברית
Ελληνική
Française
Deutsch
Nederlands
Svenska
Español
Italiano
Pусский
Fins
Norsk
日本人
中国的
Հայերեն
پەیوەندی
دەربارە!
FacebookKurdipedia on Facebook
TwitterKurdipedia on Twitter
Dark modeDark Mode
زۆرتر
Kurdipedia
🔎 English Menu
🏠|📧|دەربارە!|پەڕتووکخانە|📅
🔀 بابەت بەهەڵکەوت
❓ یارمەتی
📏 رێساکانی بەکارهێنان
🔎 گەڕانی ورد
➕ تۆمارکردنی بابەت
🔧 ئامرازەکان
🏁 زمانەکان
🔑 هەژماری من
✚ بابەتی نوێ
📕 خەڵک کێیە؟
ناونیشانی پەرتووک : خەڵک کێیە؟
نووسەر : گیۆرگیۆ ئاگام بێن
وەرگێڕانی: ناجی ئەفراسیاو و ئەرسەلان ئەفراسیاو
📕 خەڵک کێیە؟
📖 دیباتی کوردێک و مەلایەکی عەرەبی ئەزهەری لەسەر دۆزی کورد
لە نوسینی: ئەیوب عەنەبی
ساڵی(2001/2002) لەئەڵمانیا شاری نۆرنبێرگ بووم.
شەوی بیست وحەوتی رەمەزان برادەرێکی هەورامی زەنگی بۆکردم و گووتی:
ئەمشەو وەرە بۆمزگەوت.
گوتم کام مزگەوت ؟
گوتی ئەوەی تورک و
📖 دیباتی کوردێک و مەلایەکی عەرەبی ئەزهەری لەسەر دۆزی کورد
📷 شێخ مەحمودی حەفید و رەفیق حیلمی
شێخ مەحمودی حەفید و رەفیق حیلمی[1]
کاتی وێنە: نەزانراو
📷 شێخ مەحمودی حەفید و رەفیق حیلمی
📷 یادگارییەکانی منداڵی
چەند وێنەیەکی جوان کە بیرەوەریت بیردەخاتەوە بۆ ئەم ژیانە سادەیەیی ڕابردوو
کە پێک هاتووە لە کۆمەلێک وینەی یاری و یادگاریەکانی سەردەمی جاران و منالی وە ئەم یاریانەو یادەوەریانیە تایبەت نیە بە شوین و نا
📷 یادگارییەکانی منداڵی
📷 وێنەی کاک عەبدول حوسێن لەگەل ئەحمەد کوێخا جەلال تەرەقی 1984
وێنەی کاک عەبدول حوسێن محەمەد لەگەل پێشمەرگەیەک بەناوی ئەحمەد کوێخا جەلال تەرەقی لە ناوشوان ئەم وێنەیە لە ڕۆژی جەژنی کرێکاران لە 1/ئایاری /1984 لە دێی تۆمار گیراوە ئەو ڕۆژە حەفلە بوو مام جەلال لەوێ بو
📷 وێنەی کاک عەبدول حوسێن لەگەل ئەحمەد کوێخا جەلال تەرەقی 1984
📕 گوڵی وەریو
بەشێک لە هۆنراوەکانی شێخ لەتیفی حەفید کوڕی شێخ مەحمودی حەفید
لەسەر ئەرکی دایکی شێخ کاوەی شێخ لەتیفی حەفید لە سالی 1975 چاپکراوە.
📕 گوڵی وەریو
📝 بانگێشتنامە بۆ دروستکردنی (9) بەنداوی ستراتیجی و (2) پرۆژەی ئاودێری
بانگێشت: نامەیەک لە حکومەتی هەرێمی کوردستانەوە بۆ کۆمپانیاکان
حکومەتی هەرێمی کوردستان بەنیازە لە رێگەی وەزارەتی کشتوکاڵ و سەرچاوەکانی ئاو دروستکردنی (9) بەنداوی ستراتیجی و (2) پرۆژەی ئاودێری ڕابگەیە
📝 بانگێشتنامە بۆ دروستکردنی (9) بەنداوی ستراتیجی و (2) پرۆژەی ئاودێری
💬 پەز هی پەزەوانی، ڕەز هی ڕەزەوانی
پەز هی پەزەوانی، ڕەز هی ڕەزەوانی
وتراویشە (نان بۆ نانەوا، گۆشت بۆ قەساب) واتە هەر کارە و بۆ وەستا و شارەزا و کەسی لێزان و کارامەی خۆی، مەڕوماڵاتداری بۆ خاوەنەکەی لەبارترە وەک ئەوەی دەستی دووەم شوانکا
💬 پەز هی پەزەوانی، ڕەز هی ڕەزەوانی
💬 مەڕ هاوینێ دەمرێ، زستانی خاوەنی دەزانێ
مەڕ هاوینێ دەمرێ، زستانی خاوەنی دەزانێ
چلەی هاوینێ تاو وتینی گەرما تاو دەسێنێ و مەڕ کۆڕ دەبەستن سەر دەنێن بەپاشەڵی یەکترییەوە وەکو سێبەر بۆ یەکتری و ناتوانن ڕێ بکەن و بچنە لەوڕگا وپاوانان، بۆیە شوانک
💬 مەڕ هاوینێ دەمرێ، زستانی خاوەنی دەزانێ
💬 بەرخی چلەی، گۆلکی ڕەشەمەی، کاری ئادارێ پەسندن
بەرخی چلەی، گۆلکی ڕەشەمەی، کاری ئادارێ پەسندن
چلەی زستانێ سەرماوسۆڵەیە و دونیا دەیبەستێت و کاریلە ناتوانێت لەساردوسڕەی هەڵبکات مەگەر بەرخ بەرگەی ئه و سەرمایە بگرێ و گۆلکیش لەمانگی ڕەشەمانگ بزێ، مانگ
💬 بەرخی چلەی، گۆلکی ڕەشەمەی، کاری ئادارێ پەسندن
💬 زمانی وەکو بزنمشک وایه
زمانی وەکو بزنمشک وایه
بزن مژ، گیاندارێکی خشۆکە هاوشێوەی قومقمۆک و مارمیلۆک(مارمێلکە) و شەوگەرد، لە زۆربەی ناوچەکانی کوردستاندا بەتایبەت لەناوچەی ڕەوەزەشاخ و تەمتەمە شاخدا دەژیێت، یەکێکە له و گیاندار
💬 زمانی وەکو بزنمشک وایه
📖 سینەمای جاران لە هەولێر
سینەمای جاران لە هەولێر

جاران لە هەولێر کاتێک فلیمێکی نوێ دەهات پێش ئەوەی لە سینەما پەخش بکرێ دوو نەفەر تەختە دارێکیان لەسەر شانی دادەناو و دەگەڕان تاوەکوو خەڵک بزانێ..
پیاوێک کە بە پێش دعایەکە د
📖 سینەمای جاران لە هەولێر
📖 گەشتیک لۆ گەڕەکە کۆنەکانی قەڵاتی هەولێر
گەشتیک لۆ گەڕەکە کۆنەکانی قەڵای هەولێر

گەڕەکەکانی قەڵات بەکۆنترین گەڕەکەکانی شاری هەولێر دەژمێردرێت..
قەڵای هەولێر لەسەر بەرزاییەکی فرەوانە، لە سەردەمی عوسمانیەکان و سەرەتای حوکمی پادشایی عیراق دە
📖 گەشتیک لۆ گەڕەکە کۆنەکانی قەڵاتی هەولێر
📖 سەردەمی شکۆمەندی کورد ساڵی 590 پ.ز
سەردەمی شکۆمەندی کورد
ساڵی 590 پ.ز کەیخسرەو پادشای گەورەی ماد دوای ئەوەی کۆتایی بە ئیمپڕاتۆریەتی هەزاران ساڵەی ئاشوری هێنا، بەرەو ناوچەکانی ڕۆژئاوای تورکیای ئەمڕۆ و سنوری یۆنان بەڕێ کەوت، کۆمەڵێک لە
📖 سەردەمی شکۆمەندی کورد ساڵی 590 پ.ز
📖 قازی بازاڕ، مەزاد خانە (دەرارخانە) و بازاڕگە (ئەسواق)
قازی بازاڕ، مەزاد خانە (دەرارخانە) و بازاڕگە (ئەسواق)...

هەرلەشێستەکان دەبی زووتریش بێ، لەبەرامبەر(کۆگای بتهۆڤنی) تەنیشت و نزیک(ستۆدیۆ تاڤگەی) بەرامبەر چایەخانەی قەردارانی فیلکەی کۆتری سەلام.

📖 قازی بازاڕ، مەزاد خانە (دەرارخانە) و بازاڕگە (ئەسواق)
📷 وێنەکەیی کۆنی مستەفا رازادە 1975
1. مستەفا رازادە
2. عەبدول سەعید
3. نوری
4. جەبار
5. دڵشاد
📷 وێنەکەیی کۆنی مستەفا رازادە 1975
📝 بۆ دەوڵەتی ڕۆژهەڵاتی کوردستان لە تاراوگە پێویستە؟
بۆ بڵاوکردنەوەی یەکەمجار لە ڕێگەی کوردپێدیاوە.
لەگەڵ سڵاو وڕێز
بۆ دەوڵەتی ڕۆژهەڵاتی کوردستان لە تاراوگە پێویستە؟ خوێنەری هێژا، لە ڕێگەی خوێندنەوەی ئەم نووسراوە، وڵامی چەندین پرسیاری پێوەندیدار بە دە
📝 بۆ دەوڵەتی ڕۆژهەڵاتی کوردستان لە تاراوگە پێویستە؟
👫 ئالان محەمەد حەسەن
ئالان محەمەد حەسەن نیشتەجێی شارۆچکەی حاجیاوایە سەر بە پارێزگای سلێمانی. لەدایک بووی بەرواری 18-03-2001 زاینییە. خوێندنی سەرەتایی و ئامادەیی تەواو کردووە و ئێستا قوتابی بەشی ئینگلیزی زانکۆی راپەڕینە سە
👫 ئالان محەمەد حەسەن
📕 لە رێگای ئازادیدا
ناونیشانی پەرتووک: لەڕێگای ئازادیدا
ژیاننامەی 201 شەهیدی حیزبی سۆسیالیستی کوردستان 1976 - 1991
نووسەر: ئیسماعیل تەنیا
2021
📕 لە رێگای ئازادیدا
📖 پیشەی دروستکردنی لانک لە هەولێر
پیشەی دروستکردنی لانک لە هەولێر(ئەربیل)

دروستکردنی لانک یەکێکە لەو پیشانەی کە رۆژ بەرۆژ بەرەو کەمبوونەوە و لەناوچون دەچێت، ئەو پیشەیەی لە کۆنەوە تا ئەمڕۆ بەرهەمهێنانی بەردەوامە کە باوک و باپیرانمان
📖 پیشەی دروستکردنی لانک لە هەولێر
📷 هەولێر مەیدانی مریشکان نزیک بازاڕی عەلافان ساڵی 1992
هەولێر مەیدانی مریشکان نزیک بازاڕی عەلافان ساڵی 1992
📷 هەولێر مەیدانی مریشکان نزیک بازاڕی عەلافان ساڵی 1992
📖 یەکەم نەخشە کە لە جیهاندا دۆزراوەتەوە لە کوردستان بوە؟!
دەزانن یەکەم نەخشە کە لە جیاندا دۆزراوەتەوە لە کوردستان بوە؟
.
یەکەمین و کۆنترین نەخشە لەسەرتاسەری جیهان لەکوردستان دۆزراوەتەوە کە تەمەنەکەی دەگەڕێتەوە بۆ (2300) ساڵ پ. ز، واتە (4300) ساڵ بەر لەئێست
📖 یەکەم نەخشە کە لە جیهاندا دۆزراوەتەوە لە کوردستان بوە؟!
📷 وێنەی شێخ مەحمود ساڵی 1922
گەڕانەوەی شێخ مەحمود دوای دەستبەسەری لە هیندستان ساڵی 1922
وێستگەی شەمەندەفەری بەغدا
گەورەپیاوانی کورد، بەپیر شێخ مەحمودەوە چوون.
📷 وێنەی شێخ مەحمود ساڵی 1922
📷 وێنەی شێخ محمود و جێگری مەندوبی سامی بەریتانیا لە عێراق 1926
وێنەیەکی دەگمەنی شێخ محمود و جێگری مەندوبی سامی بەریتانیا لەعێراق (کینهام کۆرۆنوالیس و ئەحمەد تۆفیق بگ) متصرفی سلێمانی و کاپتن هۆڵت ڕێکەوتی 1926-10-09 لەنزیک شارۆچکەی خورماڵ[1]

وێنەکە لەڕاستەوە :
📷 وێنەی شێخ محمود و جێگری مەندوبی سامی بەریتانیا لە عێراق 1926
📷 وێنەیەکی دەگمەنی منارەی چۆلی 1920
وێنەیەکی دەگمەنی منارەی چۆلی 1920
📷 وێنەیەکی دەگمەنی منارەی چۆلی 1920
👫 کەسایەتییەکان
ئالان محەمەد حەسەن
💬 پەند و ئیدیۆم
مەڕ هاوینێ دەمرێ، زستانی خا...
📝 بەڵگەنامەکان
بانگێشتنامە بۆ دروستکردنی (...
📷 وێنە و پێناس
یادگارییەکانی منداڵی
📷 وێنە و پێناس
شێخ مەحمودی حەفید و رەفیق ح...
📝 دەقی مانیفێستی هەڵبژاردن-ی سەڵاحەدین دەمیرتاش: من دێم بۆ ئەوەی کۆتایی بە سیستەمی تاکەکەسی بێنم | پۆل: بەڵگەنامەکان | زمانی بابەت: 🏳️ کوردیی ناوەڕاست
⠪ بەشکردن
Facebook
Twitter
Telegram
LinkedIn
Whats App
Viber
SMS
Facebook Messenger
E-Mail
📋 Copy Link to Clipboard
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
✍️✍️ ئەم بابەتە باشتر بکە!
| 👁️‍🗨️ | 👂

دەقی مانیفێستی هەڵبژاردن-ی سەڵاحەدین دەمیرتاش: من دێم بۆ ئەوەی کۆتایی بە سی...
(من دێم بۆ ئەوەی کۆتایی بە سیستەمی تاکەکەسی بێنم)
دەقی مانیفێستی هەڵبژاردن-ی سەڵاحەدین دەمیرتاش:
وەک سەرۆک کۆمارێک، من دێم بۆ ئەوەی کۆتایی بە سیستەمی تاکەکەسی بێنم.
من بۆ زۆر ئەرک دەبمە سەرۆک کۆمار، بەڵام لە کۆتایی ماوەی خۆمدا، بە چاکەتەکەی خۆمەوە ماڵئاوایی دەکەم.
لەپێناو ئافراندنی وەڵاتێکی گەشبین کە کۆمەڵگە لە بەرانبەر یەکتر نەوەستێتەوە و مرۆڤ پشت لە یەکتر نەکات، بەڵێن دەدەین. فیکر و باوەڕی هەر چییەک بێت، ئێمە پێکەوە وەڵاتێک دەئافرێنین کە هەر کەس بتوانێت بەشێوەیەکی ئازاد تیایدا بژی.
ئێمە کۆتایی بە سیاسەتی دیماگۆجیەت دێنین.
ئێمە سیستەمێکی بەڕێوەبردن بونیاد دەنێین کە بەبەشداری هەموو بەشەکانی کۆمەڵگە نەخشێنراوە.
ئێمە سیاسەت ناکەینە ئامرازێکی گەورەبوونی ملکەچی. ئێمە دەیکەنە ئامرازێکی خزمەتکردنی گەلی هێژا.
ئێمە لەگەڵ تۆ دەیگۆڕین!
ئێمە دەنگی تاکپەرستی نین، ئێمە دەنگی فرەڕەنگین!
لە دژی ئه و ڕژێمەی کە هەر کەسێک لە خۆی نەبێت بە تاوانباری دادەنێت و تەنیا دەڵێت من، ئێمەش دەڵێین: ئێمە هەین
بۆ کۆتاییهێنان بە شکستی 16 ساڵان، ئێمە لە قۆناغی کۆتایین. بۆ دەستپێکی نوێ ئێمە دەستی یەکتر دەگرین و ڕژێمی تاکپەرست، زۆردار، دز، لایەندار، قەیووم و ڕژێمی کەسێکی شەڕخواز، لەگەڵ تۆ دەیگۆڕین.
ئەوەی بەرهەم دەهێنێت، تۆی،
ئەوەی کە بەڕێوەش دەبات، دەبێ تۆ بیت!
من دەبمە سەرۆک کۆمارێک کە ئەرکەکانی خۆی دابەش دەکات
هەموو میکانیزمەدیموکراتییەکان کە بە کۆکردنەوە و تێکۆشانی ساڵان بەدەستهێنراون، بە جارێک سڕکران. ئه و ڕێکخراوانەی کە کاریان خزمەتکردنی گەلە، خستنیانە خزمەتی کۆشک. ڕێکخستنە دیموکراتییە ئاپۆرائاساکان کە یەکێک لە ناوەندە گرینگەکانی چارەسەرکردنی کێشەکۆمەڵایەتییەکانن، داخران. بە لایەنداری، واسیتە و لەڕێلادان، سیاسەت خرا کرا، وەهایان کرد کە هاوڵاتیبوونی یەکسان نامومکین بێت. ئه و کەسانەی وەک ئەوان بیرناکەنەوە، وەک ئەوان جلوبەرگ لەبەر ناکەن و وەک ئەوان ناژین، بە خائین و تاوانبار دانران. سیستەمی تاکەکەسی زەخت و زۆرداری لە هەموو بەها و ڕەنگەجیاوازەکان کرد کە کۆمەڵگە دەکەن بە کۆمەڵگە. بەم شێوەیە کۆمەڵگەیان خستە نێو تاکپەرستی.
سیستەمێکی سەرۆک کۆماری هەیە کە ئایندەی کۆمەڵگە ڕادەستی تاکەکەسێک کراوە و هەموو شتێک خراوەتە دەستی ئەو. ئه و کاتەی هەڵبژێردرام، من ئەرکەکانی خۆم بەر لە هەر شتێک لەپێناو بێ ئەرککردنی خۆم و بەدیموکراتیکردنی سازییەکان بەکاردێنم. هەر کە ئەرکەکانی سەرۆکایەتی کۆمار دابەشکران، سیستەمەکە بەدیموکراتی دەبێت. دەبێتە هۆکار بۆ ئەوەی برینەکانی کۆمەڵگە بەپەلە بپێچرێن و میکانیزمی فرەڕەنگی سیستەمی بەڕێوەبردن بونیاد بنرێت.
لە دەستەی سەرۆکایەتی کۆماردا، ئه و نوێنەرانەی کە گوزارشت لە تەواوی کۆمەڵگە دەکەن، جێگە دەگرن. بەگوێرەی بۆچوونی هەموو پارتەسیاسییەکانی ناوخۆ و دەرەوەی پەرلەمان، بەپێی پێشنیاز و بۆچوونی کۆمەڵگەی سیڤیل، یاریدەدەرانی سەرۆک کۆمار لە نوێنەرایەتیی جیاواز دەستنیشان دەکەم.
لە سیاسەت، بیرۆکراسی، دادگەری، کۆمەڵگە و تێکۆشانی دیموکراتیدا، دەست بە پڕۆسەیەکی ئاساییبوون دەکەین. ئەم پڕۆسەیەی ئاساییبوون، دەبێتە یەکێک لە هەنگاوە سەرەتاییەکان لەپێناو قەرەبووکردنەوەی ئه و زیانانەی کە دەسەڵاتدارەتی ئێستا کردوونی، هەروەها لەپێناو زیندووکردنەوەی بیر و باوەڕی ئاشتیانەی کۆمەڵگە.
بۆ پێچانی برینەکۆمەڵایەتییەکان؛
- ئێمە باری نائاسایی ناهێڵین.
- ئه و زیانانەی کە بەهۆی باری نائاسایی و بڕیارەکان ڕوویانداوە، قەرەبوو دەکەینەوە. وەها دەکەین کە ئه و کەسانەی لە کارەکانیان دوورخراونەتەوە، بگەڕێنەوە سەر کارەکانیان.
- ئێمە کۆتایی بە زوڵمی سەر زیندانی و سزادراوان دێنین. لەپێناو چارەسەرکردنی پێشێلکردنی مافەکانیان، گۆڕانکاری بەپەلە دەکەین. وەها دەکەین کە بەبێ جیاوازی، هەموو زیندانییەنەخۆشەکان ئازاد بکرێن.
- ئێمە کۆتایی بە قەیووم دێنین کە دەستبەسەر ئیرادە و مافی هەڵبژاردنی گەل دادەگرێت و ئه و هاوشارەدارانەی کە بەرپرسیارەتییان لێسەنراوەتەوە، بەپەلە بەرپرسیارەتییان ڕادەست دەکەینەوە. وەها دەکەین کە سەرلەنوێ خزمەتی بەشەجیاوازەکانی کۆمەڵگە بکرێت.
- ئه و زیانانەی بە سازییەدیموکراتییەکان و باوەڕبوون بە حقووق گەیەنرا، وەهای کرد کە ئابووریی تورکیا بهەژێت. بەهۆی ئەوەی کە بڕیارەسیاسی و ئابوورییەکان بە گوێرەی کۆشک دەدرێن، تورکیا بووە بە وەڵاتێک کە ئایندەی نابینرێت. ئابووری بە ئاستێک تەنک بووە کە دەتوانێت بشکێت. بە سەقامگیرکردنی دیموکراتی، ئابووری ئارام دەکەینەوە. بە مامەڵەیەکی ئابوورییانە کە وەڵامی پێداویستییەکانی کۆمەڵگە بداتەوە، ئێمە کۆنتڕۆڵ لەسەر پەیوەندیی ئابووریی وەبەرهێنەران زیاتر دەکەین.
- ئه و کۆشکەی کە لەپێناو کەسێک بونیاد نراوە چۆڵ دەکرێت و ئێمە گەلپرسی دەکەین بۆ ئەوەی ئایا کۆشک بۆ چ مەبەستێک بەکاربهێنرێت. ئێمە کۆتایی بە زیادەڕۆیی بیرۆکراسی و بەڕێوەبردن دێنین. ئێمە لە بری زیادەڕۆیی، ئیعتیباری خۆمان بە شەفافیەت و بەڕێوەبردنی خزمەتی گەل بەدیدێنین. ئێمە کۆتایی بە ڕێ و ڕێبازی سەرۆک کۆمارێک دێنین کە سوپایەک پاسەوانەوە دەگەڕێت و لە گەل و ڕەخنە دوورە. بە
- ئێمە سیاسەتی دەرەوە لەسەر بنەمای چارەسەرکردنی کێشەکان بە ڕێبازی گفتوگۆ و ئاشتیانە بەڕێوەدەبەین. بەشێوەیەک کە دوژمن دروست نەکات، بەڵکو دۆست بۆ خۆی دروست بکات. ئێمە کۆتایی بە هەموو هەڕەشەکان دێنین.
- ئێمە شێوازی ڕێکخستنی دەستەی دادوەران و داواکاری گشتی دەگۆڕین. وەزیری داد لە ئەندامەتی سازیی دادوەر و داواکارانی گشتی (HSK) دەردێنین. سازییەکە سەربەخۆ دەکەین و زەختی سیاسی لەسەر دادوەر و داواکارانی گشتی لادەبەین. ئەمە وەها دەکات کە دەزگەی دادوەری لەژێر فەرمانی سیاستدا ڕزگاری بێت و بە شێوەیەکی یەکسان و دادپەروەرانە کاری خۆی بکات.
- سازیی خوێندنی باڵا هەڵدەوەشێنینەوە و سەربەخۆیی بەڕێوەبردنی زانستی، بەڕێوەبردنی ئەکادیمیی زانکۆکان دەستەبەر دەکەین. وەها دەکەین کە لە بری ئەوەی سەرۆکی زانکۆکان لە لایەن سەرۆک کۆمارەوە هەڵبژێردرێت، لە لایەن پێکهاتەکانی زانکۆ هەڵبژێردرێن.
- لەپێناو نەهێشتنی ئه و سازییانەی کە لە کاتی کودەتاوە ماونەتەوە وەک (دەستەی ئاسایشی نەتەوەیی) و (قانوونی تێکۆشان لە دژی تێرۆر)، هەوڵەکانمان دەخەینە گەڕ.
بەرنامەی بەپەلە دادەنێین بەمەبەستی دەربازبوون بۆ نێو دیموکراتی
ئێمە بە گوێرەی مافەکانی مرۆڤ و حقووقی گەردوونی، پێداگری لەسەر جیاکردنەوەی دەسەڵاتەکان دەکەین. ئێمە ئەرکەکانی دەسەڵاتی یاسادانان و دادوەری بەپەلە لەژێر زەختی دەسەڵاتی جێبەجێکردن دەردێنین.
سیستەمی دادوەری نەک بە فەرمان، بەڵکو دەبێت بە دادپەروەری بڕیار بدات. ئێمە سیستەمێکی دادپەروەر، سەربەخۆ، بێلایەن، بەپەلە و یەکسان بۆ هەموو کەس کە نەک خاوەن هێزەکان بەڵکو مافداران دەپارێزێت، بونیاد دەنێین.
سیستەمی پەرلەمانی فرەپێکهاتە، نابێت لە دەستی کەسێکدا بێت، بەڵکو ببێتە ناوەندێک بۆ هەموومان. ئەرکەکانی وەک قانووندانان، چاودێریکردن و ئامادەکردنی بودجە کە لەبەر دەستی سەرۆک کۆماردا کۆکراونەتەوە، لەگەڵ بەرنامەیەکی بەپەلەی تێپەڕبوون بۆ نێو دیموکراتی، لە ماوەیەکی کورتدا ڕادەستی پەرلەمان دەکەین. ئێمە سیستەمێکی فرەڕەنگ و بەهێزی پەرلەمانی بونیاد دەنێین. ئێمە پلاتفۆڕمی پەیمانی جڤاکی دەئافرێنین کە لە سەرووی هەموویانەوە ژن و لاوان، هەموو بەشەکانی کۆمەڵگە ڕێکخراوەکانی کۆمەڵگەی سیڤیل بتوانن لە ڕێی ئه و بۆچوون و پێشنیازی خۆیان پێشکەشی پەرلەمان بکەن.
ئێمە لە ماوەی دوو ساڵدا پڕۆسەی دەستووری بنەڕەتی تەواو دەکەین کە پشت بە لایەنی ئازادیپارێزی، فرەڕەنگی، جیاکردنەوەی دەسەڵاتە سەرەکییەکان، فرەزمانی، فرەباوەڕی و هاوڵاتیبوونی یەکسان دەپارێزێت. دەستووری بنەڕەتی ناوەندگەرا نابێت، بەڵکو لەسەر بنەمای بەڕێوەبەرایەتیی خۆجێیی و دیموکراتیی هەرێمی بونیاد دەنرێت.
چارەسەرکردنی هەموو کێشەکۆمەڵایەتییەکان کاری دەستپێکی ئێمە دەبێت
لاوان دەیگۆڕن!
ئێمە پێکەوە وەڵاتێک بونیاد دەنێین کە لاوان بتوانن بە هەموو شێوەیەک بۆچوونەکانی خۆیان بەشێوەیەکی ئازاد دەرببڕن و لەپێناو ئایندەی خۆیان ڕوو لە دەرەوەی وەڵات نەکەن و لەسەر خاکی بەرهەمداری خۆیان بمێننەوە. ئێمە وا دەکەین کە لاوان بە هیوا و باوەڕەوە سەیری ئایندە بکەن.
لەبری ئەوەی بڵێن، من بەباشترین شێوە دەتوانم کێشەکانی لاوان چارەسەر بکەم، ئێمە پێکەوە میکانیزمەکان بئافرێنین کە خودی لاوان بەشێوەیەکی چالاک بتوانن بەشدار بن و بتوانن دەربارەی خۆیان بڕیار بدەن.
- دەرفەتی کار دەڕەخسێنین بۆ سەدان هەزار بێکاری خاوەن دیپلۆما و لاوانی بێ هیوا.
- ئێمە سیستەمێک دادەنێین بۆ پێدانی مانگانەی لاوان بە بڕی500 لیرە بۆ هەر گەنجێک.
- بە بیر و باوەڕی (خۆگەیاندنە ئینتەرنێت مافە) وەها دەکەین کە هەموو کۆمەڵگە بەبێ سانسۆر، بێ پارە و بەشێوەیەکی ئازاد ئینتەرنێت بەکاربێنێت.
ژن دەیگۆڕن!
لەپێناو گۆڕینی زیهنیەتی سەردەستی پیاو، دەست بە هەڵمەتی سەرتاسەریی کۆمەڵایەتی دەکەین. لە چارەسەرکردنی کێشەکۆمەڵایەتییەکاندا فیکر و بۆچوونی ژنان ڕۆڵی کاریگەر دەگێڕن. ئێمە بە هیچ جۆرێک ڕێگە نادەین کە هێرش بکرێتە سەر بەها و ڕێبازەکانی ژیانی ژنان و دەستدرێژیی جەستەیی بکرێتە سەر ژنان.
- ئێمە سیستەمێکی بەڕێوەبردن کە پشت بە بەشداری هاوبەشی ژنان دەبەستێت، بونیاد دەنێین.
- ئێمە سیستەمی هاوسەرۆکایەتی کە نوێنەرایەتیی یەکسانی ژنان دەپارێزێت، بەیاسایی دەکەین بۆ ئەوەی لە هەموو ئاستەکانی پارتی سیاسییدا هەبێت.
- بۆ ئەوەی ڕەنجی نێو ماڵ، خاوەنداریکردن لە منداڵ، بەساڵاچوو و نەخۆشەکان هاوبەش بێت، ئێمە سیاسەت دەئافرێنین. چاودێریکردن بەپارە یان بێ پارە، بۆ ئەوەی نەبێتە کاری ژنان، خانەی چاودێریکردن بۆ نەخۆش و بەساڵاچوان دەکەینەوە.
- لە دۆسیەی کوشتنی ژناندا، لە دژی کەمکردنەوەی سزای پیاوان بە هۆکارەکانی (دۆخی باش) و (هاندان)، وا دەکەین کە سزای دادپەروەرانە ڕێ لە بەردەم ڕوودانی سزای له و شێوەیە بگرێت.
- وا دەکەین کە ئه و ژنانەی هەم لە ماڵ و هەم لە کار خەبات دەکەن، زوو خانەنشین بن.
لەپێناو منداڵان دەگۆڕێت!
ئێمە مافی منداڵان دەپارێزین کە یەک لەسەر سێی دانیشتوانی تورکیا پێکدێنن. منداڵ ئایندەی هەموومانە. ئێمە وا دەکەین کە هەموو منداڵێک بە شادی، سەربەرزانە و ئاشتیانە بژی.
- ئێمە بەشێوەیەک کار دەکەین کە کاتێک نینۆکی منداڵێک بئێشێت، خۆمان بە بەرپرسیار ببینن.
- ئێمە سیستەمێکی پەروەردە دەچەسپێنین کە لە بەرەوپێشبردنی منداڵان بوەشێتەوه، بە گوێرەی زمانی دایک، مافەکانی مرۆڤ و زانستە.
- منداڵان ناچار نەبن لە دەرەوە بژین.
- توندوتیژیی زایەندی لە دژی منداڵ، کێشەیەک نییە کە تەنیا بە سزادانی بکەر چارەسەر بکرێت. ئێمە سیاسەتی وەها دەئافرێنین کە ڕێگری لە دەستدرێژی سەر منداڵان بگرێت. ئێمە یەکسانی زایەندی پته و دەکەین و ڕێگری لە دەسترێژی زایەندی دەگرین.
- وا دەکەین بەندیخانەکانی منداڵان دابخرێن.
- بۆ ئەوەی کێشەی کارکردنی منداڵان چارەسەر بکرێت، لە بوارەکانی ڕەنج و پەروەردەدا گۆرانکاری دەکەین.
ئێمە پێکەوە ڕێگرییەکان ناهێڵین!
- بە گوێرەی جیاوازی گرووپەکان، خزمەت پێشکەشی خاوەن پێداویستییەتایبەتەکان دەکەین.
- بۆ چارەسەرکردنی گرفتەکانی خاوەن پێداویستییەتایبەتەکان وەزارەتێک بونیاد دەنێین.
- لەپێناو پێدانی مانگانەی چاودێریکردنی خاوەن پێداویستییەتایبەتەکان و بەساڵاچوان، ڕەچاوی داهات و سامانیان ناکەین و هاریکارییان پێشکەش دەکەین بۆ چاودێریکردنیان لە ماڵ.
- وەها دەکەین کە پاس، شەمەنەفەر و هۆیەکانی دیکەی گواستنەوەی گشتی بەگوێرەی هەلومەرجی خاوەن پێداویستییەتایبەتەکان دابین بکرێن و هاتووچۆ بۆ خاوەن پێداویستییەتایبەتەکان بێ پارە بێت.
- هاریکاریی چاودێریی کۆمەڵایەتی بە هەموو هاوڵاتییانی خاوەن پێداویستی تایبەت دەدەین.
ئێمە کێشەی کورد چارەسەر دەکەین
چارەسەرکردنی کێشەی کورد بە ئیرادەی ژیانی هاوبەشی گەلانی دێرین دەبێت. تاکەڕێگەی ئارامی و سەقامگیری گەلانی تورکیا، پەیوەستە بە مسۆگەربوونی ئاشتیی لە کێشەی کورد دا. چارەسەریی کێشەی کورد، چارەسەریی کێشە‌ دیموکراتییەکانە.
- ئێمە وا دەکەین کە کێشەی کورد بەشێوەیەکی ئاشتیانە چارەسەر بکرێت، چیا و زیندانەکان بەتاڵ ببن و ئیدی دایکان نەگرین.
- ئێمە کێشەی کورد لەنێو توندوتیژی دەردێنین و بە ئاشتییەکی سەربەرزانەش کۆتایی بە توندوتیژی و شەڕ دێنین.
- ئه و کۆمەڵگەیانەی کە باجی ڕابردووی خۆیان نەداوە ناتوانن لە سەردەمی ئێستا تێبگەن و ئایندەی خۆیان بونیاد بنێن. یەکێک لە مەرجەکانی ژیانی ئاشتیانە، ڕووبەڕووبوونەیەوە لەگەڵ ڕابردوو و گەڕان بەدوای ڕاستییەکانە. ئێمە کار دەکەین بۆ ئەوەی دەوڵەت داوای لێبووردن له و گەلانە بکات کە لە ماوەی ڕابردوودا ستەم و کۆمەڵکوژی لە بەرانبەردا کردوون.
- ئێمە زمانەجیاوازەکانی وەڵاتی خۆمان وەک هەڕەشە نابینین، بەڵکو وەک دەوڵەمەندییەک دەیبینین. لە پەروەردەوە تا تەندرووستی، لە ڕاگەیاندنەوە تا زانیاری وەرگرتن، بەشێوەیەکی دەستووری مسۆگەر دەکەین. بەشێوەیەک کە هەموو کەس بتوانێت بە زمانی دایکیی خۆی سوودمەند بێت لە خزمەتگوزارییەکان.
ئێمە بەشێوەیەکی یەکسان مامەڵە لەگەڵ هەموو باوەڕی، ڕێبازی ژیان، بۆچوونەسیاسی و فەلسەفییەکان دەکەین.
- زەختی سەر هەموو ناسنامەکانی بندەستان، باوەڕی، کولتوور و زایەندەکان لادەبەین.
- لەپێناو نەهێشتنی بەربەستەکانی بەردەم ژیانی ئازادی هەموو باوەڕییەکان، کولتوور و کەسەکان، بەشێوەی دیموکراتی فرەڕەنگ مامەڵە دەکەین.
- لە سەرووی هەموویانەوە جەم، دان بە هەموو شوێن و وارگەکانی عەلەوییەکان دادەنرێت و وەک (عیبادەتخانە) دەناسێنرێن.
بە بەرنامەی (دابەشکردنی مافدار) (هەدەپە) ئێمە ئارامی دەچەسپێنین
ئێمە ناهێڵین باری قەیرانی ئابووری بکەوێتە سەر شانی گەل.
وا دەکەین کە کرێکارانی ڕەنجخوراو، بێکارانی بێ هیوا، ئه و جووتیارانەی کە حەقدەستی ڕەنجی خۆیان وەرنەگرتووە، ئه و دوکاندارانەی کە بازاڕیان نەبووە ئه و خانەنشینانەی کە بەزەحمەت خۆیان دەگەیەننە کۆتایی مانگ، ببنە خاوەن داهات. بە سیستەمێکی باجی یەکسان کۆتایی بە زیادەڕۆیی دێنین و سەرچاوەکانی داهاتی هەژاران زیاد دەکەین.
بە بەشکردنی نانی خۆمان بەشێوەیەکی دادپەروەرانە، کۆتایی به و جیاوازییە گەورەیە دێنین کە دەسەڵاتدارەتی لەنێوان دەوڵەمەند و هەژاران دروستی کردووە. ئه و دەوڵەمەندییەی کە پێکەوە ئافراندوومانە، بەشێوەیەکی دادپەروەرانە دابەشی دەکەین. ئه و مرۆڤانەی کە داهاتیان کەمە، لەنێو قەرزباری دەریاندێنین. ئێمە لە ڕێی بەرنامەی مافی کۆمەڵایەتی (سۆسیال) کۆتایی بە هەژاری دێنین.
ئێمە ئەرک و دەرفەتەکانی خۆمان بەکاردێنین بۆ کۆتاییهێنان بە تاوانەکانی بەرانبەر کرێکاران. لەپێناو کۆتاییهێنان بە بێکاری و زێدەکاری بێنین، بەپێی ستانداردە نێونەتەوەییەکان مامەڵە دەکەین.
لە چوارچێوەی بەرنامەی (دابەشکردنی مافدار)-دا:
- ئێمە پێداویستییەکانی ئاو، کارەبا، غازی سرووشتی تا سنووری پێویست بەبێ پارە بۆ هەژاران دابین دەکەین.
- ئێمە کەمترین مووچە و داهاتی خانەنشینان دەکەینە 3 هەزار لیرەی تورکی.
- بەبڕی هەزار لیرەی تورکی مووچەی بێ مەرج و بێ کات بۆ هەموو بێکاران دابین دەکەین.
- لە چوارچێوەی زیادبوونی خزمەتدا، ئێمە بەبڕی هەزار لیرەی تورکی مووچەی فەرمانبەران زیاد دەکەین.
- تا بڕی 50 هەزار لیرەی تورکی، فایزی قەرزی بانکی لادەبەین.
- هاوکاری بۆ کاری کشتوکاڵ و ئاژەڵداری دوو قات زێدە دەکەین.
- تێپەڕبوون بەسەر ڕێگە و پردەکان، دەکەینە بێ پارە.
ئێمە سیستەمی پەروەردە لە ژێر دەسەڵاتدارەتیی سیاسی دەردێنین
پێداگری دەکەین لەسەر ئەوەی پەروەردەی گشتی، بێ پارە، ئازادیپارێز، زانستی و بە زمانی دایک بێت.
کۆتایی بە لایەنداری و واسیتە دێنین و پێکەوە پەروەردەیەکی هێژا کە ئایندەی هەبێت بۆ منداڵان و لاوان بونیاد دەنێین.
- کۆتایی بە سیستەمی 4+4+4 دێنین کە فێرگەکانی بە بیر و باوەڕی ئایدیۆلۆژیانە لەیەکتر جیاکردۆتەوە.
- بەهیچ جۆرێک پارە لە خانەوادەی فێرخوازان وەرناگرین.
- مەنهەجی پەروەردە-ی تاکپەرست، زایەندپەرست، مەزهەبپەرست و نەژادپەرست لادەبەین و لە شوێنی ئەو، مەنهەجێکی نوێی پەروەردە لەسەر بنەمای زانستی، عەلمانی، دیموکراتی، ئازادیپارێز، فرەڕەنگی و بە زمانی دایک دادەنێین.
- ئێمە هەموو ئەزموونەناوەندییەکانی وەک OKS, SBS, TEOG, LYS و YGS لادەبەین. لە شوێنی سیستەمێک کە پشت بە ئەزموونەکان (تاقیکردنەوەکان) دەبەستێت، ئێمە سیستەمێک بونیاد دەنێین کە پشت بە پێشکەوتنی هاوبەشی مامۆستا و فێرخوازان ببەستێت.
وا دەکەین کە مێدیای یەکدەنگ ببێتە مێدیای ئازاد.
هەموو بەربەستەکان لە بەردەم مافی گەیشتنی گەل بە زانیارییەکان لادەبەین. وا دەکەین کە هەموو بەربەستەکان لە بەردەم ئازادیی بیر، ڕامان، ڕاگەیاندن، خۆپیشاندان و خۆڕێکخستن لاببرێن.
- ئێمە ناهێڵین کە ڕۆژنامە، تەلەفزیۆن و ڕادیۆ لە لایەن دەسەڵاتدارەتییەوە دابخرێن و ڕێ لە بەردەم مێدیای فرەڕەنگ دەکەینەوە.
- ئێمە ئازادی فەراهەم دەکەین بۆ ڕۆژنامەوانان و بەکارهێنەرانی تۆڕەکۆمەڵایەتییەکان.
- وا دەکەین کە دەزگەکانی ڕاگەیاندن ئازاد بن. هەموو بەربەستەکان لە بەردەم پلاتفۆڕمەکانی ئینتەرنێت وەک تویتەر، فەیسبووک و ویکیپێدیا لادەبەین.
لە سیاسەتی دەرەوەدا، ئێمە دەربازی سیاسەتێکی ئاشتیانەی دەرەوە دەبین.
لە چارەسەرکردنی کێشەهەرێمییەکانماندا، ئێمە خۆمان لە شەڕی هێزەجیهانگیر و هەرێمییەکان و داگیرکاری و توندوتیژی خۆمان بەدوور دەگرین. ئێمە لە دژی ئەم سیاسەتانە دەوەستینەوە.
- بەردەوام دەبین لە تێکۆشانی خۆمان بۆ ئەوەی لە ڕۆژهەڵاتی ناوین، بەڕێوەبەرایەتییەکی ئازادیپارێز، یەکسان، دیموکراتی بونیاد بنرێت کە گەلانی هەرێمەکە بتوانن ئایندەی خۆیان بەشێوەیەکی ئازاد دەستنیشان بکەن.
- ئێمە پێوەرەکانی یەکێتیی ئەورووپا دەربارەی ڕێزگرتن لە مافەکانی مرۆڤ، دیموکراتی هەرێمی، جیاوازی دەسەڵاتەکان و سەروەری یاسا پێشدەخەین. ئێمە بەگوێرەی پێوەرەکانی خۆمان، سەرلەنوێ هەڵسەنگاندن دەکەین بۆ بابەتی دانوستان و بەئەندامبوونی تورکیا لە یەکێتیی ئەورووپا.
ئێمە ڕوانگەی (مافەسرووشتییەکان لە بەرژەوەندیی مرۆڤەکان گرینگترن) جێگیر دەکەین.
ئێمە کۆتایی بە هەموو ئه و بینایانە دێنین کە هەڕەشە لە کۆمەڵگە و سرووشت دەکەن و ژینگە وێران دەکەن. دارستانەکان، کەنار ئاوەکان، لەوەڕگەکان، زەوییەکان، شوێنەوارەکان، دەوڵەمەندی سرووشتی، کولتووری و مێژوویی دەپارێزین.
- ئێمە کۆتایی بە پڕۆژەکانی دروستکردنی بەنداو، HES (ناوەندەکانی بەرهەمهێنانی کارەبا لە ئاو) دێنین کە بەمەبەستی سەرمایەگوزاری و قازانج دروست دەکرێن. ئێمە کۆتایی بە هەموو ئه و کردارانە دێنین کە زیان بە بوارەکانی ژیان دەگەیەنن.
- ئێمە وا دەکەین کە گەلی خۆجێیی بتوانێت بڕیار لەسەر هەموو ئه و پڕۆژانە بدات کە لە هەرێمەکانی نیشتەجێبوونی ئەوان دروست دەکرێن. ئێمە پڕۆسەی ÇED (هەڵسەنگاندنی کاریگەری لەسەر دەوروبەر) زیاتر بەدیموکراتی دەکەین.
- ئێمە ئه و پڕۆژانە دەوەستێنین کە شارەکان تاڵان دەکەن، مافی نیشتەجێبوونی گەل لەناودەبەن، بوارەکانی ژیانی هاوبەش و بەرهەمەکولتووری و مێژووییەکان لەناودەبەن.
- کۆتایی بە هەموو ئه و پڕۆژە زیادانە دێنین کە سرووشت و سەرچاوەکان لەناودەبەن. وەک (کانال ئیستنەبووڵ).
- ئێمە سزای هەموو ئه و کەسانە دەدەین کە تاوانی لە جۆری ئەشکەنجە، خراپەکاری، هێرشی زایەندی و کوشتن لە دژی ئاژەڵەکان دەکەن. بەم سزادانە وادەکەین کە ئیدی ئه و تاوانانە نەکرێن.

بۆ ئەوەی کۆتایی بە سەرۆکایەتی بێنم، من دەبمە سەرۆک کۆمار. کاتێک کە پڕۆسەکە کۆتاییهات، ئەرکەکانی منیش کەم دەبن. من سەرۆکایەتی کۆمار دەکەمە پێگەیەکی نوێنەرایەتی و ئاشتیی کۆمەڵایەتی.
من ناڵێم من دەیکەم، من دەڵێم ئێمە دەیکەین!
ئێمە گەلین. بە ناسنامە، باوەڕی، زمان و کولتووری خۆمان ئێمە ئەم وەڵاتەین.
ئێمە ئه و مرۆڤانەین کە باوەڕ بە ئایندەی ئەم وەڵاتە دەکەین؛ سەرچاوە؛ هیوا، هەوڵدان و جیاوازی ڕەنگەکانی خۆمان پێشکەشی داوای سیستەمی تاکەکەسی ناکەن.[1]
15-05-201815-05-2018
#️ هەشتاگ
#15-05-2018 |


🗄 سەرچاوەکان
[1] 📡 ماڵپەڕ | 🏳️ کوردیی ناوەڕاست | ماڵپەری ئەی ئێن ئێف نیوز - 15-05-2018
🖇 بابەتە پەیوەستکراوەکان: 2
📅 رێکەوت و رووداو (کڕۆنۆلۆژیا)
1.👁️15-05-2018
👫 کەسایەتییەکان
1.👁️سەڵاحەدین دەمیرتاش
📂[ زۆرتر...]

⁉️ تایبەتمەندییەکانی بابەت - Meta-data
🏳️ زمانی بابەت: 🏳️ کوردیی ناوەڕاست
📅 رۆژی دەرچوون: 15-05-2018
📄 جۆری دۆکومێنت: ⊷ وەرگێڕدراو
🌐 زمان - شێوەزار: 🏳️ کرمانجیی ناوەڕاست
📄 شێوازی دۆکومێنت: 📠 چاپکراو
🗺 وڵات - هەرێم: ⬆️ باکووری کوردستان
🗺 وڵات - هەرێم: 🇹🇷 تورکیا

⁉️ تایبەتمەندییە تەکنیکییەکان
©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 99% ✔️
99%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
99%
✔️
ئەم بابەتە لەلایەن: (هاوڕێ باخەوان)ەوە لە: May 15 2018 4:13PM تۆمارکراوە
👌 ئەم بابەتە لەلایەن: (نالیا ئیبراهیم)ەوە لە: May 15 2018 10:32PM پێداچوونەوەی بۆکراوە و ئازادکراوە
✍️ ئەم بابەتە بۆ دواجار لەلایەن: (نالیا ئیبراهیم)ەوە لە: May 15 2018 10:32PM باشترکراوە
☁️ ناونیشانی بابەت
🔗
🔗
👁 ئەم بابەتە 4,007 جار بینراوە

📚 فایلی پەیوەستکراو - ڤێرشن
جۆر ڤێرشن 💾📖🕒📅 👫 ناوی تۆمارکار
📷 فایلی وێنە 1.0.139 KB May 15 2018 4:16PMهاوڕێ باخەوان
📚 پەڕتووکخانە
  📖 خەڵک کێیە؟
  📖 رۆحی ئاوێنە
  📖 سەید کەڵەک و هەشت چیرۆ...
  📖 هزرەکانی مەتی
  📖 زۆرتر...


📅 کڕۆنۆلۆژیای رووداوەکان
  🗓️ 16-05-2021
  🗓️ 15-05-2021
  🗓️ 14-05-2021
  🗓️ 13-05-2021
  🗓️ 12-05-2021
  🗓️ 11-05-2021
  🗓️ 10-05-2021


💳 کۆمەکی دارایی
👫 هاوکارانی کوردیپێدیا
💬 بیروڕاکانتان
⭐ کۆکراوەکان
📊 راپرسی
- راپرسی دەربارەی رێکخراوی کوردیپێدیا و ماڵپەڕەکەی!
بۆ پێشخستنی کارەکانی رێکخراوەکەمان و باشترکردنی ماڵپەڕەکەمان تکایە وەڵامی پرسیارەکانی ئەم راپرسییەمان بدەرەوە..
زۆر سوپاس بۆ هاوکاریتان!
- راپرسی دەربارەی رێکخراوی کوردیپێدیا و ماڵپەڕەکەی!
- راپرسی دەربارەی ڤایرۆسی کۆڕۆنا (کۆڤید 19)
ڤایرۆسی کۆڕۆنا مرۆڤایەتیی خستووەتە مەترسییەکی گەورەوە، ئەم مەترسییە کوردستانییانیشی گرتووەتەوە.. هەربۆیە گرنگە وەڵامی ئەم راپرسییە بدرێتەوە تاوەکو بزانین چۆن رەفتار لەگەڵ ئەم کێشەیەدا بکەین!
- راپرسی دەربارەی ڤایرۆسی کۆڕۆنا (کۆڤید 19)
📌 رۆژەڤ
ئالان محەمەد حەسەن
ئالان محەمەد حەسەن نیشتەجێی شارۆچکەی حاجیاوایە سەر بە پارێزگای سلێمانی. لەدایک بووی بەرواری 18-03-2001 زاینییە. خوێندنی سەرەتایی و ئامادەیی تەواو کردووە و ئێستا قوتابی بەشی ئینگلیزی زانکۆی راپەڕینە سەر بە شاری ڕانیە. شارەزای زمانەکانی عەرەبی-ئینگلیزی-فارسییە.
ئالان محەمەد حەسەن
مەڕ هاوینێ دەمرێ، زستانی خاوەنی دەزانێ
مەڕ هاوینێ دەمرێ، زستانی خاوەنی دەزانێ
چلەی هاوینێ تاو وتینی گەرما تاو دەسێنێ و مەڕ کۆڕ دەبەستن سەر دەنێن بەپاشەڵی یەکترییەوە وەکو سێبەر بۆ یەکتری و ناتوانن ڕێ بکەن و بچنە لەوڕگا وپاوانان، بۆیە شوانکارەکان یەک دوو سەر بزن بەخێودەکەن و ڕادەگرن تاوەکو ببنە چاوساغ و ڕێوانی ڕانە مەڕەکە بۆ ئەوەی بچنە هەرد و کێوان و لەوەڕگایان، مەڕ زۆر باش دەڵەوەڕێت دەبێت دوای تێرخواردن لە لەوەڕگایان زوو زوو ئاوبدرێت و نابێت، لەئاودانی هاوینێ مەڕ و ماڵات خافل بکرێت و فەرامۆش بکرێت چونکە ئاژەڵی مەڕ پێویستی بەسێ ژەم ئا
مەڕ هاوینێ دەمرێ، زستانی خاوەنی دەزانێ
بانگێشتنامە بۆ دروستکردنی (9) بەنداوی ستراتیجی و (2) پرۆژەی ئاودێری
بانگێشت: نامەیەک لە حکومەتی هەرێمی کوردستانەوە بۆ کۆمپانیاکان
حکومەتی هەرێمی کوردستان بەنیازە لە رێگەی وەزارەتی کشتوکاڵ و سەرچاوەکانی ئاو دروستکردنی (9) بەنداوی ستراتیجی و (2) پرۆژەی ئاودێری ڕابگەیەنێت کە بەشێوەی پرۆژەی پەرەپێدان (Public and Private Partnership) ئەنجام دەدرێت بۆ ئەم مەبەستە وەزارەتی کشتوکاڵ و سەرچاوەکانی ئاو بانگێشتی ئەو کۆمپانیایانە دەکات کە خواستی بەشداری کردنیان هەیە بۆ ئەو بەنداوانەی کە هاوپێچی ئەو ڕاگەیەنراوەن بەناردنی ئیمێلیان بۆ ئەم ناونیشانە (relations@krg-moawr.org لە
بانگێشتنامە بۆ دروستکردنی (9) بەنداوی ستراتیجی و (2) پرۆژەی ئاودێری
یادگارییەکانی منداڵی
چەند وێنەیەکی جوان کە بیرەوەریت بیردەخاتەوە بۆ ئەم ژیانە سادەیەیی ڕابردوو
کە پێک هاتووە لە کۆمەلێک وینەی یاری و یادگاریەکانی سەردەمی جاران و منالی وە ئەم یاریانەو یادەوەریانیە تایبەت نیە بە شوین و ناوچەیەک بەلکو جیهانین و لەنێویاندا زۆربەیان یاری کوردەوارین و منالانی کوردیش بیبەش نەبوونە لیی و وە لەگەل هەر وینەیەک دەیان یادەوەری لەنێو مێشکمان دروست ئەبن و ئەگەرێنەوە ئەو سەردەمی.
یادگارییەکانی منداڵی
شێخ مەحمودی حەفید و رەفیق حیلمی
شێخ مەحمودی حەفید و رەفیق حیلمی[1]
کاتی وێنە: نەزانراو
شێخ مەحمودی حەفید و رەفیق حیلمی

Kurdipedia.org (2008 - 2021) version: 13.05
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,312 چرکە!
☎ +9647701579153 +9647503268282
| ☎ +31654710293


Kurdipedia Project is an initiative of
(Bakhawan Software 1998 - 2021)