مردنی نەوشێروان مستەفا
1944 19/5/2017
دیارە مردن منداڵ و گەنج و پیر لەگەر خۆی دەباتەوە، ئەوە سروشتی مردنە هەر لە سەرەتای پەیدابوونی مرۆڤەوە هەتا ئەمڕۆ.
مامجەلال توانی لە شوێنی خۆی یا لە دوای خۆی لە ناو جەلالیزم یان یەکێتی نیشتمانی کوردستان و ڕێبازی خۆی، نەوشیروان مستەفا دروست بکات و دەستی بگریت وەکو کادیرەک پەروەردەی کرد.
لە گۆڤاری ڕزگاری یەوە هەتا مۆرکردنی ڕێکەوتنی نیوان گۆڕان و یەکێتی بە ئامادەبوونی مامجەلال و نەوشیروان، کە گوایە لێک ترازان و لەیەکتر تۆزێک توڕە بوون.
بەڵام نەوشیروان نەیتوانی یەک کادیر بۆ شوینی خۆی ئامادەبکات و دروست بکات.
زۆرن ئەوانەی خۆیان بە شاگردی نەوشیروان لەقەڵەم دەدەن بەڵام کەسێکی کارێزما نی یە لە ناو ئەو شاگردانە کە بتوانی بە ئەمانەتەوە چۆن نەوشیروان جەلالیزمی پەیرەوکرد ئاوا نەوشیروانیزم پەیرەو بکات.
نەوشیروان لە کتیبەکانی خۆی قسە بە هەموو هاوڕێ یەکانی دەڵێ و لە بەرخوردی ڕۆژانەشی لەگەر هاوڕێ یەکانی توڕە دەبوو و هێندەک جار گوێشی نەدەگرت لێیان،
دەرەئەنجام بۆیە شوینی بەتاڵ دەمینێتەوە و لە بەختی مامجەلالیش ئەو قوتابی یەی پێشەخۆی ماڵئاوایی لێکرد، ئەگەر چی دەمێک بوو مامجەلال نەخۆش و پەککەوتوو ببوو، هەنوکە ڕەنگە مامجەلال هەر هەستیشی پێنەکات کە نەوشێروان مالئاوایی لێکردووە و جارەکی تر سەردانی ناکات. ڕەنگە مامجەلال هەر لەسەر کورسی بمینیت و ئینجا نۆرەی شاردنەوەی مەسعود بارزانی بیت، چونکە ئاریل شارون گەلێک بەو شیوەیەی مامجەلال ژیا. مردنیش بە گەنچی و پیری و نەخۆشی نی یە.
گردی زەرگەتە دەبیتە مەزاری نەوشیروان لە بەختی کورد ئەوە بووە سێ مەزاری مردووان (مستەفا بارزانی و ئیبراهیم ئەحمەد و نەوشێروان مستەفا).
سبەی ئەگەر وەفدیک سەردانی کوردستان و زیارەتی کوردستان بکات و خۆی بێلایەنی بۆ پارتی و یەکێتی و گۆڕان نیشان بدات، دەبێت بچیتە سەردانی هەر سێ گۆڕ.
نەوشیروان مستەفا لە مانگی ئەیلولی 2015 کە هاتە دەرەوە هەتا ڕۆژی کۆچی دوایی لە ڕێکەوتی 19/5/2017 بە مردوویی دەژمێردرا، چونکە لە ئەڵمانیا و بەریتانیا لەبەر نەخۆشی و ئازارەکانی مالئاوایی لە کوردستان کرد،
ئیتر هیچ کاریگەری لەسەر سیاسەت و کارەکانی کوردستان نەبووە و هیچ پڕۆژەی بۆ بزووتنەوەی گۆڕان و برادەرەکانی نەبووە.
لە دوورەوە سەیری دەکرد و هیچ پڕژە و گوتار و دەنگ و ڕەنگی نیشان نەدا و نەیبووە. تاقە خەمێک کە هەیبووە خانووەکەی بۆ کچەکەی بێت و گرد و پڕۆژەکانیشی بۆ هەردوو کوڕەکەی بێت.
سیاسەتمەدارەکانی خۆی بەناوی ئەو قسەیان دەکرد و هەریەکەشیان هەتا بۆ کاتی گەرانەوەشی دوور و نزیک هیچیان لێنەدەزانی. بەڵام لۆ خۆ بەدیارخستن شەکریان دەشکاند.
هەر جارەی ڕۆژ و مانگ و بەروار و ڕێکەوتێکیان بۆ گەرانەوەی نەوشیروان ڕادەگەیاند.
هیچیشیان ڕاست دەرنەدەجوون.
بۆیە لە دەرەوە هەر مردوو بوو دەوری سیاسی تەواوببوو، دیارە لە ئەوڕوپاش دکتورەکان پێت دەڵێن ئیتر ژیانت تەواو و قەبر بۆ خۆت دروست بکە.
هەر بۆ بەشداری بەخاک سپاردن و پرسەی [شوعلە علی 1957 2017] هاوسەری و دایکی دوو کوڕ و کچەکەکەی لە 17/3/2017 ماڵئاوایی کرد بۆ وەفایی و دواماڵئاوایی بەشداری نەکرد.
نەوشیروان لەبەر باری تەندروستی و نەیتوانی ئەو ڕوداوە بقۆزیتەوە بۆیە دەمێک بوو بای بای لە سیاسەت کردبوو.
بەر لە ڕۆژی شەمە واتە 13/5/2017 کە نەوشیروان بە فرۆکەیەکی تایبەت گەراوە فرۆکەخانەی سلێمانی چەندان لەو سیاسەتمەدارە یاغنیشانە هاواریان دەکرد ودەیانقیراند کاک نەوشیروان بە پرۆژەی گەورە گەراوەتەوە و کوردستان و باری سیاسی کوردستان دەگورێت و ئیتر پرۆژەکانی دەبیتە گۆپاڵی قڕکردنی ئەو قەیرانە و ڕزگارکردنی خەڵکی کوردستان،
بەداخەوە ئەوەش هەر بۆ خۆڵ لەچاوکردنی خەڵک و جەماوەری گۆڕان بوو.
لەهەمووانیش ئەوانەی قیڕەیان زیاتر دەهات بەناو ڕۆشەنبیرانی ناو گۆڕان و بەناو ڕۆژنامەنووسەکانی قەڵەم نەوشیروانی بوون
خەڵکیان بەرەو ئاقارەکی تر دەبرد و لەبەرئەوەی لە نزیکەوە نەچووبوونە خزمەتی نەوشیروان نەیان دەزانی نەوشیروان هاتوتەوە بۆ ئەوەی لە سلێمانی بمریت.
نەوشیروان ئەگەر کورد نەبوایە هەر لەوکاتەی لە سلێمانی نارنجۆکی فڕی دایە ناو قوتابخانەی منداڵان دادگایی دەکرا و دەمێک بوو زیندانی دەکرا.
ئەگەر بەخۆشی کارەکەی ئەنجام نەدابێت گوایە بە فەرمانی ئەو بووە.
ئەوەش لیکۆڵینەوە و نووسینی زانستی پێویستە بۆ ئەوەی ڕاستیەکان بەدەربخرێن.
جگە لەوەش هەر لە کوشتنی مامۆستا شێرکۆ شێخ عەلی و عەوڵا سور و دەیان شەهیدانی شیوعی دەبوایە هەتا ئەبەد کونجی زیندان شوێنی زیندەگی بوایە.
کورد لەوەش بەختی سفر دەرچوو نەوشیروان بووە ڕێکخەری گشتی بززوتنەوەی گۆڕان و بەبێ ئەوەی هیچ کۆنگرە و کۆبونەوە بکات، خۆی چەسپاند یان چەسپاندیان بە بزوتنەوەیەک کە داوای دیموکراسی و سیستەمی یەکسانی بۆ هەرێمی کوردستان دەکات. کەسیش ناپرسێت تۆ لەناو ڕێکخرای خۆت دیموکراسیەت پەیڕەونەکەیت چۆن دەوڵەتی دیموکراسی بەڕێوەدەبەی.
دیارە لەسەرەوەش باسم کرد کە بەرانبەر هاوڕێ یەکانی چۆنە بۆیە لە کتێبەکانی تەنها مامجەلال بەخراپە باسی نەکراوە
دەنا لە سالار عەزیز و مەلابەختیار و دیان ناوی تر بە سووکی باسیان کراوە و ڕەخنەی لێگرتوون،
بە خۆشی دەڵێ باوەری بە بیروباوەری مارکسی لینینی نەبووە کەچی چەسپاندیان بەسەریان و کردیانە سکرتێری کۆمەڵەی مارکسی لینینی. دوایی ناوی گۆڕدرا بۆ کۆمەڵەی ڕەنجدەرانی کوردستان. پاشانیش لەسەردەمی ئەو بایبای لە کۆمەڵە کرا و یەکێتی نیشتمانی بووە ئەندامی سۆسیال دیموکرات.
هەربۆیەش پاش ئەوەی دەیزانی لەناو یەکێتی ناتوانێت بەردەوام بێت بوە هۆی ئەوەی ئیتر لە ساڵی 2006 واز بێنی لە یەکیتی نیشتمانی و دەزگایەک بە پارەی جەلال تاڵەبانی دابمەزرێنیت و خەڵکیکی زۆری لە یەکێتی دابڕاند و لە ساڵی 2009 بۆ بەشداری پەڕلەمان 25 کورسی کە بەشی هەرە زۆری یەکێتی بوون لە یەکیتی دابڕاند و یەکێتی پەروباڵ کرد لەناو پەڕلەمان.
هەر بۆ ئەو سینارۆیەش جارەکی تر هەردوو لا گەرانەوە لای یەکتر و ئیتر ڕێکەوتنی نێوان گۆڕان و یەکێتی تاوەکو گەیشتن بە یەکگرتنەوەی یەکجارەکی لەنێوان یەکێتی و گۆڕاندا دەبەستن و دیارە نەمانی نەوشیروانیش گەلێک کەسی نابرادەری لە یەکتر نزیکتر دەکاتەوە و هەمووباڵەکانیش تازە هی ناو گۆڕان و ناو یەکێتی ڕازی دەبن خانم هێرۆی ئیبراهیم ئەحمەد وەکو مەرجەعیەت قەبووڵ بکەن و پارە و سەرمایەکەش بە قوەتی قادر هەر لای هیرۆ خانە.
ئەوەی بمرێت دەڵێن شەیتان دەستی لێدەشوات
من هەردەم دژی مردنم و ڕقم لێیەتی بەڵام خۆ ناکرێت ئەو مردنە ببیتە شین و ماتەمین و ئیتر کەس بۆی نەکرێت ناوی نەوشیروان بهێنیت. هەتا کەسانێک هەبن وەکو عیبادەت ناوی بهێنن و بەسەروگێلاکی هەڵبدەن بەرانبەر ئەو پێداهەڵدانەش کە ڕەنگە زۆرینەبن ڕەخنەی لێدەگیرێت.
خۆ دەنگەکانی بزووتنەوی گۆڕان ئەگەر 51% ی هەرێمی کوردستان بێت و نەوشیروان قەبووڵ بکات. دەبیت ڕیزی ئەو 49% بگیرێت کە ڕەخنەی لیدەگریت و نایپەرستی.
ئەوەش دیموکرسیەتە خەڵکی با هەر بۆی بگرێن یان شیوەنی بۆبکات.
جاری یەکەم کە مامجەلال نەخۆش کەوت گەلێک گۆلک و مەڕ و بەرخ بۆ مام جەلال کرا قوربانی بەڵام بەداخەوە چاکی نەکردەووە
هەنوکەش ئەو هەموو پێداهەڵدانە و سەردولکە و گریانە تاوانەکانی نەوشیروان ناشواتەوە.
ئەوەی بیەویت دەتوانی لە فکری نەوشیروان بدات و موناقەشەی نووسینەکانی بکات.
ئەگەرنا هەر لەخۆڕا پەرستنی کەسایەتی دەبیتە ئەو ڕەوشتە ناجوانەی ناو کوردەواری. کە مردن بپەرستن.
دەڵێن کاتی خۆی عومەری کوڕی خەتاب لە توڕەیی هاواری دەکرد ئەوەی بڵێ محمد مردووە بەو شیرەی دەستم ملی دەپەڕێنم
دوایی لێی وەجواب هاتن و گوتیان مرد و تەواو، هەربەخۆشی ناچار بوو بەشداری ناشتنی بکات و دوایی ئەبوبەکریش بووە خەلیفە.
ئیتر بەرهەم و نووسینەکانی نەوشیروان لە کتێبخانەی کوردی و لە ئەدەب و فەرهەنگی کوردی دەمیننەوە و کەسیش نابیتە نەوشیروان یان یەکێکی تر.
سلێمانیش نەبووە بەهەشتی بزووتنەوەی گۆڕان و کوردستان بە سەرکردایەتی نەوشیروان مستەفا ئەمین.
دەبا بزانین دوای نەوشیروان بزووتنەوەی گۆڕان و ڕێبازی نەوشیروان بەرەو کوێ ڕێگا دەبڕێت.
دیارە ئەوانەی پەیامی نەوشیروانیان بڵاودەکردەوە و گوایە پڕۆژەی هەیە و کارێزمای وایە هەنووکە جار جارە شەرم دایاندەگرێت بۆ خویان تووشی ئەو پڕوپاگەندەیە کرد.
ووردە ووردەش کەسەکانی ناو گۆڕان بۆ خۆیان دەردی خویان بەیان دەکەن و باسیش دەکەن بایی چەند نەوشیروانیزم لەناویان پەرەی سەندووە.
19/5/2017 فەهد گردەوانی ستۆکهۆڵم