کورد دلۍ چەرخەکا تاریخینە
بەشۍ یەرەسەڎ و سیهەمە
نویستەی: هاوڕێ باخەوان
ساڵەو (1926ز.):
* مانگەو (04) ئی ساڵېنە، گلېربییەیۆ ئەڼاما کۊمەڵەو زانستی جە سلېمانی دلۍ بیناو شارەوانینە، ئەچاگە دەسەو ڕاوەبەریشان هۊرچنی، پی تەرزە: ئەحمەڎ بەگ تۆفیق بەگ_ سەرۆک، جەمال بابان_یاردیدەر، پیرەمێرد، فایەق بەگو مارف بەگی، شېخ مسەفا قەراخی، ڕەمزی فەتاح، غەفوور ئاغا، حەمەو ئۆڕەحمان ئاغای، . عیزەت بەگو وەسمان پاشای.
* تاریخو (#11-05-1926#ز.) بەرشېیەی دمایین ژمارەو حۆتەنامەو (دیاری کوردەسان)، کە ژمارە (16) بۍ.
* تاریخو (#25-05-1926#ز.) بەرشېیەی یەکەمین ژمارەو گۊڤاری زاری کرمانجی، جە ڕەواندوز بە سەرپەرەشتی داماو حوسێن حوزنی موکریانی.
* مانگەو (07) ئی ساڵېنە، شاهۆی شاعېر کریا بە قازی هەڵەبجەی.
* تاریخو (#05-07-1926#ز.) ئینگلیزەکۍ ویلایەتو موسڵیشان لکنا دۆڵەتو تازە خېزیاو ئێراقیرە، ئا ویلایەتە فرەو ناوچەکانو پانیشتو کوردەسانی گېرېوە.
* تاریخو (#16-07-1926#ز.) بەرشېیەی ڕۊنامەو بانگو کوردەسانی جە لاو مستەفا پاشاو یاموڵکی جە شارو سلېمانی.
* مانگەو (09) ئی ساڵېنە، داگیرکاری ئێرانی ناوچەکانو سەردەشت و بانەیش داگیرۍ کەرڎێ.
* تاریخو (#04-09-1926#ز.) گفت و گۊ میانو شېخ مەحمووڎی و ئینگلیزەکا جە شارەکڵەو خورماڵی کە یەرۍ دەمژمارېش خواینا، بەرهەمش کۆتەرەی ئاسایېش و ئارامی بۍ ناوچەکەنە.
* مانگەو (10) ئی ساڵېنە، ئیسماعیل خانی سمکۆ پەناش ئاردە ئۆ ئێراقی.
* تاریخو (#22-10-1926#ز.) مۊرکەرڎەی پێمانێ میانو ئێران و تورکیاینە جە تاران، کە نامۍ نریا پێمانو دۊسیی و هامکاری میانیشان، سەرو ئانەیە ڕېکۍ کۆتۍ کە هەر ژڵېوێ کورڎی سەرکوت بکەران.
مانگەو (11) ئی ساڵېنە، ڕېککۆتێ پەنهانی میانو داگیرکاری تورک و ئینگلیزی جە ئەستەمبووڵ، پەی سەرکوتکەرڎەو شۆڕشو کورڎی بەسیا.[1]