ناوی کتێب: وتارگەلی ئەدەبی کوردیی سەدەکانی ناوەڕاست و پاشکۆیەک
نووسینی: مارگرێتا باریسۆڤنا ڕودێنکۆ (م.ب. ڕودێنکۆ)
وەرگێڕانی لە ڕووسییەوە: ئەنوەر قادر محەمەد
وتارگەلی ئەدەبی کوردیی سەدەکانی ناوەڕاست و پاشکۆیەک ناونیشانی بەرهەمێکی نوێی دەزگای ڕۆشنبیریی جەمال عیرفان – ە و نووسینی مارگرێتا باریسۆڤنا ڕودێنکۆ (م.ب. ڕودێنکۆ) گەریدە و ڕۆژهەڵاتناس – کوردناس، وەرگێڕ و دامەزرێنەری ڕێبازێکی نوێی کوردناسی – توێژینەوەی ئەدەبی کوردی سەدەکانی ناوەڕاستە.
زمان و ئەدەبی کوردی سەرەڕای ئەو هێرش و کاریگەرییە بەردەوامانەی کەلەلایەن زلهێزە جهیانییەکان و ولاتە داگیرکەرەکانی ناوچەکە بەسەریدا سەپێنراوە بەڵام تا ئاستێکی باش توانیویەتی بەردەوامی بە ڕەوتی سەربەخۆیی خۆی بدات، ئەگەرچی تاکو ئێستاش کەلێن و ناتەواوییەکانی لە زانیارییەکانی زیاترە بەڵام ئەمە سروشتییە چونکە وەکو وتمان هیچ زمان و نەتەوەیەک تاکو ئێستا بەئەندازەی زمان نەتەوەی کورد هەوڵی لەناوبردن و ئەسیمیلاسیۆنی نەدراوە و تاکو ئێستاش ئەم هەوڵە هەر بەردەوامە. دەکرێت بگوترێت ئەم بەرهەمە دەروازەیەکی نوێیە بۆ شوناسی مێژوویی ئەدەبی کوردی و ئەگەر بگوترێت شاکارێکە لەم بوارەدا بە دڵنیاییەوە هیچ زێدەڕۆییەکی تیا نییە.
ئەم بەرهەمە لەلایەن ژ.س.موسایلیان کاری ئامادەکردن و پێداچوونەوەی و لایەنە تەکنیکییەکانی نووسینی بۆ کراوە و لەلایەن بەڕیز ئەنوەر قادر محەمەد ەوە لە زمانی ڕووسییەوە وەرگێڕدراوە.