کورد دلۍ چەرخەکا تاریخینە
بەشۍ: چل و دوەمە
نویستەی: #هاوڕێ باخەوان#
ساڵەو (600 و.ز) : سێر مارک سایس ماچۊ ئەچی ساڵېنە نەتەوەو کوردۆئینی مېیانو دیاربەکری و زێێ گۆرېنە نیشتەجایۍ بیۍ.
ساڵەو (593- 590 و.ز) : چی ساڵانە وېرانبېیەی چەقو ئوراڕتۆی کەفکاسی، بە دەسو مادەکا. هەر ئەچی ساڵېنە مېیانو بابلی و میدیای ڕوەو ساردی لوان.
ساڵەو (591- 585 و.ز) : ئەچی ساڵانە جەنگو مېیانو هەر دوە ئیمپراتۆرو میدیا و لیدیای، نزیک ڕۊخانەو (هالیاس) ینە.
ساڵەکانو (590- 585 و.ز) : قومېیاو جەنگو مېیانو میدیا و لیدیای.
تاریخو (28-05-585 و.ز) : مېیانو هەر دوە ئیمپراتۆرو میدیا و لیدیاینە ڕېککۆتەنامێ بەسیا، بەپاو ڕېککۆتەنامەکەی ئیمپراتۆرو لیدیای دڎانېش نیێ پانەیرە هەکە ڕۊخانەو (هالیاس- قزڵ ئەرمق) کە پەنجا کیلومەترۍ جە وەرکۆتو ئەنکەرەی پایتەختو تورکیایۆ دوورەن، ببۊن بە سنوورو وەرنیشتو میدیای، ئەچی ڕۊنە ڕۊجیار گېریاو هەردوېشان ئینەشان بە تووڕەبېیەو خوڎاوەندی زانان، پەوکەی بە یاردیدای نابوخودنوسور- نەبو خوز نەسری بابلی ڕېکۍ کۆتۍ.[1]