ناڤ: عەلی
ناڤێ باب: مەردان
ناڤێ دایک: شاناز
ساڵا ژدایک بوونێ: 1904
جهێ ژدایک بوونێ: گوندێ #کانی ساردێ# سەر ب دەڤەرا #شارباژێڕ#
ڕۆژا وەغەرا داویی: #24-07-1981#
جهێ وەغەرا داویی: #کەرکووک#
$ژیاننامە$
ساڵا 1904 ل گوندێ کانی ساردێ سەر ب شارباژێڕ ژدایک بوویە. هەر ل زاروکیڤە تەڤی ماڵباتا خوە چووینە باژێڕێ #کەرکووک# و لوێرێ ئاکنجی بووینە، خودیێ ستران و نەوایێ ڕەسەنێ کوردی بوویە. وی کارییە ب سەدان سترانێن کوردی ژ ناڤچوونێ بپارێزیت و زیندی بهێلیت.
عەلی مەردان کوڕێ عەلی عەبدولقادر کوڕێ وەسمانێ کوڕێ حەمەگوڵە. عەلی مەردان، ھونەرمەندێ پایەبەرز، ماموستایێ ستران و مەقامێن کوردی، خوەندنا خوە ل تەکیە یا کەرکووکێ و ل جەم ماموستا ساڵح دەست پێکرییە و ھەر لوێرێ ژی لدەف ماموستایێ دەنگ خوەش مەلا ڕەئوف فێری تەجویدا قورئان و ھنەک مەقامێن کوردی و قۆڕیاتێن تورکمانی بوویە.
عەلی مەردان پشتی ھەشت ساڵیێ تەکیە و باژێڕێ کەرکووک هێڵایە تەڤی مالباتا خوە گوندێ لەیلان چوویە. لڤی گوندەیدا تەڤی تەمبوورڤانەکێ خوەدان شیان ب ناڤێ خدر بارام نیاس بییە کو سوودەکە زۆر لێ وەرگرتییە ژبو سترانێت کوردی، لێ پشتڕە کوو دچیت ژ بو بەغدایێ، مەقاماتێن کوردی و فارسی و عەڕەبی ل ماموستایێن دن یێن فارس و عەرەب و کورد فێر دبیت و وەکە شارەزایەک ل بوارێ هەلبەست و هۆزانێن دەڤەرێ دبیتە جهێ سەرنجا دەردورێ خوە. ناڤێ دایکا وی شاناز بوویە، عەلی مەردان ژبلی کوردیێ ب زمانێن عەرەبی، تورکی و فارسیش خوەندییە. هەر ل دەستپێکێ دە شەهرەزایی ل سۆز و ئاوازێن ستراناندە پەیدا کرییە.
ژبو ئێکەم جار فێری سترانا ڕەسەنا کوردەواری یا ئەڵاوەیسی و پشترە ئای ئای و خاوکەر و قەتار فێربییە.
عەلی مەردان دبێژیت: ژبو گۆزەرانا ژیانێ، ب پێ یێن پەتی و سەری کوت، من جوتکاری و شڤانی و گاڤانی کرییە. ئەز ل باژێڕێ بەغدا بووم تەڤی مورتەزاخانێ ئەسفەهانی و ئەسغەرێ هەمەدانی و محەمەد سەعیدێ سابڵاغی و زورتشتان لوانا فێر بووم، چل شەڤان ژی دگەل سەید عەلی ئەسغەرێ کوردستانی بهەڤڕە بووین .
ئێکەم مەقاما من کو سترانا ئای ئای بوو ل ساڵا 1939 دە ل ئێزگەیێ کوردی ب زمانی کوردیا باجەڵانی هاتییە تۆمار کرن. ل ساڵا 1965دا ل ئێزگەهێ ڕادیۆیا تەهران و #کرماشان#دا چەندین ستران تۆمارکرینە.
ئەخیر سترانا عەلی مەردان بەستەیەک بوویە کو ل ساڵا 1972دا ل ئێزگەیێ کوردی ل بەغدایێ هاتیە تومار کرن.
عەلی مەردان ڕوژا ئینێ ل ڕێکەفتا 24-07-1981 دا وەغەرا داویێ کرییە، ل باژێڕێ کەرکووک ل گۆڕستانا #شێخ محێدین# هاتییە بخاک سپاردن.[1]