بەڕێوەبەری #فڕۆکەخانەی هەولێری نێودەوڵەتی# وتی: گەشتە ئاسمانییەکانمان لەگەڵ وڵاتان بەردەوامن و بەشێوەیەکی ئاسایی ئەنجام دەدرێن، ئێستا ڕۆژانە نزیکەی 62 گەشتمان ھەیە و پلانمان ھەیە بۆ ساڵی تازە گەشتەکانمان لەگەڵ وڵاتان زیاد بکرێت.
ئەحمەد ھوشیار، بەڕێوەبەری فڕۆکەخانەی نێودەوڵەتی ھەولێر، وتی: تا ئێستا بۆ گەشتەکانمان بەپێی خشتەی پایزیی کاردەکەین و چاوەڕێ دەکرێت ھەفتەی داھاتوو خشتەیەکی تازە دەربچێت بۆ گەشتەکانمان لە وەرزی زستانە، ڕۆژانە 60 تا 62 گەشت ئەنجام دەدەین.
ئەحمەد ھوشیار وتیشی: ڕۆژنە گەشتەکانمان بەئاسایی بەڕێوەدەچن، پلان و بەرنامەشمان ھەیە بۆ ساڵی تازە گەشتەکانمان لەگەڵ وڵاتانی دیکە زیاد بکرێت.
ھوشیار باسی لەوەش کرد: تا ئێستا ئاماری گەشتەکانمان بۆ ساڵی 2023 ڕانەگەیاندووە، ئێراق خۆی ئامارەکە ڕادەگەینێت، ھەر کاتێک بگاتە دەستمان ئێمەش بە فەرمیی ڕایدەگەیەنین. [1]