دەقی پیرۆزباییەکەی پیرۆزبایی مەکتەبی ڕێکخراوە دیموکراتییەکانی #یەکێتیی نیشتمانیی کوردستان#:
بەڕێز/ سەرنوسەری سایتی PUKmedia
بابەت/ پیرۆزبایی
سڵاوێکی گەرم...
بەبۆنەی (19)هەمین ساڵیادی دامەزراندنی سایتی (PUKmedia) ەوە، بەناوی مەکتەبی ڕێکخراوە دیموکراتییەکانەوە، گەرمترین پیرۆزبایی خۆمانتان ئاراستەدەکەین، دەستی ماندوونەبوونتان دەگوشین، لەڕێگەی ئێوەشەوە دەستخۆشی و پیرۆزبایی خۆمان پێشکەش بە تەواوی ڕۆژنامەنوس و کارمەندانی سایتی (PUKmedia) دەکەین، ئەو بەڕێزانەی کەئێستا لە کاردان و ئەوانەشی کەلەسەرەتای ئەم کاروانەوە لە، سایتی (PUKmedia) خزمەتییانکردوە، سایتی (PUKmedia) لەتەمەنی پڕ بەخششی خۆیدا، وەک بڵندگۆیەکی ڕاستگۆ و دەربەست خزمەتی کردوە و هەمیشەش سەرچاوەیەکی هەواڵ و زانیاری جێی متمانەی هەموان بوە، هیوادارین ئەم ساڵیادە، ببێت بەخاڵێکی گرنگی وەرچەرخان لە خەباتی ڕۆژنامەوانی کوردیدا و دەرفەتێکیش بێت بۆ گەشەپێدانی هەمەلایەنەی سایتی (PUKmedia)، جارێکیدیکەش پیرۆزبایی خۆمانتان پیشکەشدەکەین، هیوای سەرکەوتن و پێشکەوتنی زیاترتان بۆدەخوازین.
مەکتەبی ڕێکخراوە دیموکراتییەکانی
یەکێتیی نیشتمانیی کوردستان[1]