ناونیشانی بابەت: هۆکارەکانی نەزۆکی چییە؟
ئامادەکردن: د. #کەژان کاوە تەها#
نەزۆکی لە زانستی پزیشکیدا بریتییە لە منداڵ نەبوون دوای ساڵێک لە ئەنجامدانی پڕۆسەی هاوسەرگیری بە بێ بەکارهێنانی ماددەکانی ڕێگریکردن لە منداڵبوون (مەنع) .
لە هۆکارەکانی:-
- تەمەن گرنکترین هۆکاری نەزۆکیە، لە خانماندا لە 40 ساڵی بەدواوە چانسی سکپڕی کەم دەبێتەوە.
- کێشەکانی هێلکەدانان ، بەهۆی هەبوونی نەخۆشی دیکەوە لەوانە فرەکیسی هێلکەدان و تێکچوونی هۆرمۆن.
- نەخۆشی غوددە و قەڵەوی و قەلەقی و خواردنی ناتەندرووست.
- گیران و هەبوونی کێشە لە جۆگەی فالوپ کە جێی پیتاندنی هێلکەیە.
- ناتەواوی ئەندامی زاوزێ بەهۆی زگماکەوە یا درووست نەبوونی هێلکەدان و گون .
- بۆماوەیی هۆکارێکی تری نەزۆکیە لە هەردوو ڕەگەزدا.
- درووست بوونی کیس لەسەر یان لەناو منداڵدان کە ڕێگر دەبێت لە درووستبوونی منال یان هەر نەخۆشییەکی دیکەی منداڵدان.
- لە پیاواندا ناتەواوی لە جووڵە و کەمی ژمارەی تۆو داخرانی بۆری گوێزەرەوەی تۆو هۆکاری نەزۆکییە.
لەگەڵ ئەمانەش 30٪ هۆکارەکانی نەزۆکی نەزانراوە،
لە چارەسەری نەزۆکیدا دەبێت سەردانی پزیشکی پسپۆر بکەن و لەپێشدا هۆکاری نەزۆکیەکە دیاری بکرێت و پاشان لەژێر چاودێری پزیشکدا دەرمانی تایبەت وەربگرێت. [1]