Di encama êrîşeke mûşekî li ser komelgeheke Efrînê de, kesekî sivîl hate kuştin û 2 kesên din birîndar bûn.
Rêxistina Berevaniya Sivîl a Sûrî belav kir, komelgeha “Kuwêt Rehme” a li Efrînê rastî êrîşeke mûşekî hat û di encamê de kesekî hate kuştin û 2 kesên din jî birîndar bûn û çend xanî hilweşiyan.
Li gor Berevaniya Sivîl a Sûrî, ew êrîş ji navçeyên bakurê Helebê yên di bin kontrola hêzên rêjîma Sûriyê û HSDê de ne, hatiye kirin.
Komelgeha “Kuwêt Rehme” Di çarçoveya guhertina demografiya bajarê Efrînê de sala borî ji bo Erebên li Efrînê hatine bicihkirin hate vekirin û zêdetirî 380 malbatî tê de dijîn.
Ev êrîş di demekê de ye, Tirkiye gefa operasyonek nû li ser Til Rifat û Minbicê dixwe. Tirkiyê û komên çekdar jî hêzên zêdetir li nêzîkî wan her du bajaran kom kirine û ew hêz xistine rewşa amadehiyê.[1]
ئەڤ بابەت ب زمانا (Kurmancî - Upper Kurdish (Latin)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet bi zimana (Kurmancî - Upper Kurdish (Latin)) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەتە 2,176 جار هاتیە دیتن
ڕایا خو دەربارەی ڤی بابەی بنڤێسە!