فەرماندەیی ناوەندی سوپای ئەمریکا پرسە و سەرەخۆشی خۆی ئاراستەی کەسوکاری ئەو شەڕڤانانە و خەڵکی ڕۆژئاوای کوردستان دەکات کە دوو ڕۆژ لەمەوبەر کرانە ئامانج و گیانیان لەدەستدا.
رۆژی 22-07-2022، ئۆتۆمبێلێک لە ڕێگەی #قامیشلۆ# کرایە ئامانج. هێزەکانی سووریای دیموکرات - هەسەدە لە ڕاگەیێندراوێکدا بڵاویکردەوە، بە ئامانجکردنەکە لە لایەن درۆنێکی تورکیاوە بووە و لە ئەنجامدا سێ کەس بە ناوەکانی #سەلوە یوسف# و جانا و ڕووها گیانیان لەدەستداوە.
هەسەدە دەڵێت، سەلوا لە ساڵانی ڕابردوودا لە نێو ڕیزەکانی یەکینەکانی پاراستنی ژنان - یەپەژە ڕۆڵێکی دیاری هەبوو، زووش بووە فەرماندەیەکی یەکەی ڕووبەڕووبوونەوەی تیرۆر و لە زۆربەی شەڕەکانیشدا دژی داعش شەڕی کرد.
هەر لەو بارەوە فەرماندەیی ناوەندی سوپای ئەمریکا، یەکشەممە #24-7-2022# تویتێکی بڵاوکردەوە و تێیدا هاتووە: سەلوا سەرکردەیەکی دیاری هەسەدە بوو لە شەڕەکاندا دژی داعش، ئەوەش لە گەرمەی شەڕەکە لە ساڵی 2017 لە باکووری ڕۆژهەڵاتی سووریا.
فەرماندەیی ناوەندی سوپای ئەمریکا دەڵێت، سەرەخۆشی خۆیان ئاراستەی کەسوکاری سەلوا و ئەو دوو شەڕڤانە، خەڵکی باکووری ڕۆژهەڵاتی سووریا و هاوبەشەکانمان لە هەسەدە دەکەین. [1]
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,120 جار هاتیە دیتن
ڕایا خو دەربارەی ڤی بابەی بنڤێسە!