لە شاری #کەلار# و بە بەشداری 53 یاریزان پاڵەوانێتی خێرایی شەتڕەنجی کەلار بەڕێوەچوو، لەو پاڵەوانێتییەدا و دوایی ئەنجامدانی نۆ گەڕ لە یارییەکانی، یاریزانانی یانەی وەرزشی پێشمەرگە توانیان کۆنترۆڵی ئەنجامەکان بکەن.
سەبارەت بە ئەنجامدانی ئەو پاڵەوانێتییە و بەشداری یاریزانانی پێشمەرگە (تەها جەلال) ڕاهێنەر لە تیمی شەتڕەنجی یانەی وەرزشی پێشمەرگە لە لێدوانێکی تایبەت بە پێشمەرگە سپۆرت وتی: (یانەی پێشمەرگە هەمیشە ئامادەی پاڵەوانێتی و چالاکییە وەرزشییەکانی کوردستان و ئێراقی و دەرەوەیە و یاریزانانمان چ لەسەر ئاستی کوڕان یاخود کچان شێرانە و پێشمەرگە ئاسا بەشداری لە ململانێ بەهێزەکانی پاڵەوانێتییەکان دەکەن، ئەمە دووەم وەرزی لەسەر یەکە کە بەشداری لەو پاڵەوانێتییەدا دەکەین و خۆش بەختانەش ئەنجامەکان بۆ یاریزانانی پێشمەرگە یەکلادەبێتەوە کە لە پلەکانی یەکەم تا سێیەمی ڕیزبەندی مان بەدەست هێناوە. هەروەک ناوبراو ئاماژەی پێکرد کە (ئاریان عەلی) لە کۆی 9 خاڵ 8 خاڵی کۆکردووەتەوە و یەکەم بووە و (زۆزگ سەڵاح) یش بە 7، 5 خاڵ دووەمە و پلەی سێیەمیش بۆ (ڕەوەند حامید) ە بە هەمان ژمارەی خاڵەکانی زۆزگ.
[1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 363 car hatiye dîtin
Raya xwe li ser vî babetî binivîsin!