ئێک ژ ئەندامێن گرووپا کامکارانە. د ساڵا 1954 ل باژێڕێ #سنە# یا روژهەڵاتێ کوردستانێ ژدایک بوویە و ژەنیاری تومبەکێ یە. ل سەردەمێ زاروکینیا خوەدا حەزەکە زور ژبو نیگارکێشانێ هەبوویە لێ ب ئەگەرێ کوو ژیانا خوە ل ماڵباتەکە موزیک زاندە دەست پێ کرییە، ئەو ژی بو جیهانا هونەرا موزیکێ دهێت ڕاکێشان و ژبو ئۆرکێسترایا فەرهەنگ و هونەرا یا باژێرێ سنە تومبەک لێدایە و هەنووکەژی ژبو گروپا #کامکاران# تومبەک لێددەت. ئەرژەنگ ل ساڵا 1976ێ دە ل سنەیێ ژبوو تەهرانێ دێ کۆچ بکەت، هەڤدەم دگەل خوەندنا بابەتێن گرێدایی ب موزیکێ ب گشتی دێ مژویلی فێربوونا ئامیرێ تومبەک ئانکو تومبڵکێ بیتن، هەر دوێ ساڵێدە چوویە ڕادیویا فەرمی یا ئیرانێ و تەڤی گروپا شەیدا ب سەروکاتیا محەمەد رەزا لوتفی کارێ خوە دەست پێکر. ئەو د ساڵا 1978ئان دە چوویە پشکا هونەرێن جوان یا زانینگەها تەهرانێ و مژویلی خوەندنا وێنەکێشان ئانکو نیگار کێشانێ بوو. ئەرژەنگ سەرباری فێربوونا هەر دوو هونەرێن موزیک و نیگارکێشانێ، تەڤی گرووپا موزیکا شەیدا و گرووپا موزیکا عارف گەلەک کۆنسێرت ئەنجام دان کوو زوربەیا هەرە زوورا وانا وەکە ئەلبوومێن موزیکی کەتنە بەردەستێ گوهداران. هەنووکە ئەو ژی کەسەکێ سەرەکەیە دێ گروپا #کامکاران#دە . سەرباری موزیکێ چەند پیشانگەهێن وێنەکێشانێ هەیا نها دەیناینە و د هنەکان ژی تەڤی چەند هوندەرمەندێن دن پشکدار بوویە کوو گرنگترین یێن وان پیشانگەها ل ساڵا 1991 و ساڵا 1997ێ ل گەلەریا سیحون یا ئیرانی بڕێڤەچوون.
ئەرژەنگ ل ساڵا 2004ێ دە پەرتووکا 60 قتعە ژبوو تونبەکێ چاپ و بڵاڤ کر کوو کوو بەشەک ل زانیاریێن وی بووینە د هەیامێ بووهری و ئەو تشتێن کوو ڤی ماوەی فێربوویە. ئەرژەنگ هەروەها ماوێ 20 ساڵانە کو ل فێرگەهێن کامکاران مژیویلی فێرکرنا هەژێ کەر و فێرخوازێن ئامیری تومبەکێ یە.[1]