کورد دلۍ چەرخەکا تاریخینە
بەشۍ: دوەسەڎ و پەنجا و هەشتەمە
نویستەی: #هاوڕێ باخەوان#
ساڵەو (1915ز.):
چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، فەرمانڕەوایی بابە جە وەرکۆتو کوردەسانینە ۋڕان.
* ئەچی ساڵېنە، ڕېژەو تەلەبا سلێمانی سەڎەنە دەو گردو تەلەبا عێراقی و پانیشتو کوردەسانی بېیەن.
* ئەچی ساڵېنە، عەلائەدین سەجادی نویسەر بە دنیا ئامان.
* ئەچی ساڵېنە، گۊرانیۋاچ تالیب مەجید، ئەشناسیا بە تەلێ ئامان دنیا.
* مەحمود ئەحمەدی نویسەر، ئەچی ساڵېنە دلۍ شارو سلێمانی ئامان دنیا.
* ئەچی ساڵېنە، ئەبوبەکر هەوری شاعېر دلۍ دەگاو چنارەی ناوچەو دەربەڼیخانی ئامان دنیا.
* وەهارو ئی ساڵۍ، هۊزو ئەیلۆی ئاسووری جە هەکاری دژو تورکەکا، بە یاردی ڕووسەکا خېزیێنۍ.
* ئەچی ساڵېنە، مەلا ئەحمەد مەلا شەریف کۊچی دمایینش کەردەن.
* ئەچی ساڵېنە، شېخ مستەفا شېخ عەبدولسەمەدی قازی شاعېر، ئەشناسیا بە موخلیس، کۊچی دمایینش کەردەن.
* شېخ مەحموڎی بەرزنجی، ئەچی ساڵېنە بە لەشکەرێ گۆرەی کوردی ڕوەو بەسرە کېشیا، تاکو ڕاگیری بکەرۊن جە ئامای دلۍ ئینگلیزی، بەڵام وەختێ زاناش ڕووسەکۍ ئامێنۍ دلۍ کوردەسانی، یەکسەر گېڵاوە.
* چېرو زەبر و زۊرداری تورکەکانە، ژمارێ فرۍ ئاسووریۍ ڕوەشان کەردە ناوچەکانو ورمێ.
* نزیکەو شاڼزە هەزار کوردۍ دلۍ هېزو یەرەمو لەشکەرو تورکینە بېنۍ دژو ڕووسی.[1]