کورد دلۍ چەرخەکا تاریخینە
بەشۍ: ویسەمە
نویستەی: #هاوڕێ باخەوان#
ساڵەو (1360-- 1350)
ساڵەو (1360) وەڵۍ زایینینە فیرعۆنو میسری ئامون حوتبی چوارەم کە بە ئەخناتون ئەشناسیان کۊچی دمایینش کەردەن، ئی پاشا مېردو شازادەی میتانی تادوهیبا-- نێڤەرتیتی بېیەن.
بە هۊکارو فراوانبېیەی دەسەڵاتو ئاشووریەکاوە ئەچی سەدەنە کاشییەکۍ پاشاکەو وېشان کوشتو (نازی بوگاش) شا یاگېشەنە نیارە، بەڵام ئېڎییچ بە دەسو ئاشوور ئۆبالیتیۆی کوشېیا.
هەر ئەچی ساڵېنە پاشاو میتانییەکا کە نامېش تشراتا بۍ بە دەسو کوڕەکەیش کوشېیا.
ساڵەو (1350) وەڵۍ زایینی بە یاردی ئاشوورییەکا کوری گالزۆی یەرەم بی بە فەرمانڕەواو کاشی و پانیشتو عێراقی کۊنی، هەم وەڵاتو ئیلامیچش گېرت و دماتەر چەنی (بەل نیراریی) پاشاو ئاشوورییەکا لوانە دلۍ جەنگی.
دیسان ئەچی سەدەنە (1350) وەڵۍ زایینی مېیانو پاشاو میتانی (ماتی وارزای کوڕو تورشی ڕاتا) ی و پاشاو هیتی (یوپی لولی ئوما) ینە پێمانێ بەسیان.[1]