کورد دلۍ چەرخەکا تاریخینە
بەشۍ: سەڎ و نۊهەمە
نویستەی: #هاوڕێ باخەوان#

ساڵەو (1736ز): پێمانێ دۊسانە میانو عوسمانییەکا و فارسەکانە بەسیان.
ساڵەو (1737ز): مورادخانی شاعېر ئەچی ساڵېنە دلۍ بایەزیدی سەرینینە ئامان دنیاوە.
ساڵەو (1738ز): مەردەی شا تەهماسوبی دوەمی ئەچی ساڵېنە بیەن.
ساڵەو (1739ز): ئەچی ساڵېنە عەبدولموئمینی دوەمی مەردۊخی ئامان دنیاوە.
ساڵەو (1740ز): ئەچی ساڵېنە ئەحمەڎ سوبحان وېردی خان کریان بە والی سنەی. هەر ئەچی ساڵېنە خانای قوبادی داستانو (خوسرەو و شیرین)یش هۊڼانۆ.
ساڵەو (1741ز): هېرشو فارسەکانی پەی سەرو ناوچەکانو مەندەلی و شارەزووری ڕوەش دێنە.
ساڵەو (1742ز): خالید پاشاو بابانی ئەچی ساڵېنە ڕەمان پەی (ئورفە)ی.
ساڵەو (1743ز): سەلیم پاشا ئەچی ساڵېنە بېیەن بە میرو بابانی. هەر ئەچی ساڵېنە خالید پاشاو بابانی جە (ئورفە) مەردەن. نادرشاو ئەفشاری ئەچی ساڵېنە هېرشش کەردەن پەی سەرو هۆلېری و موسڵی.
ساڵەو (1744ز): میر شوکروڵڵای دیناوەردی فەیلی شاعېر، ئەچی ساڵېنە ئامان دنیاوە.
ساڵەو (1745ز): نادرشاو ئێرانی ئەچی ساڵېنە کوشېیان.[1]