لە بارەگای سەرەکی بەڕێوبەرایەتی گشتیی دژەتیرۆر، #وەهاب هەڵەبجەیی# بەڕێوبەری گشتیی دژەتیرۆر، پێشوازی لە وەفدێکی باڵای سەربازیی کونسوڵی هۆڵەندا کرد.
وەفدەکە پێکهاتبوون لە کۆلۆنێڵ کیس مارسێلس ڕاوێژکاری سەربازی بۆ کاروباری چاکسازی پێشمەرگە لە کونسوڵگەری گشتی هۆڵەندا کرد. لە دیدارەکەدا تاوتوێی دوایین هەنگاوەکانی پڕۆسەی چاکسازی و یەکخستنەوەی هێزە سەربازییەکانی #هەرێمی کوردستان# و ئاستەنگییەکانی بەردەم ئەو پڕۆسەیە کرا.
هەروەها پشتیووانیی خۆیان بۆ هێزەکانی دژەتیرۆر و فەرماندە و سەربازەکانی ئەو هێزە دووپاتکردەوە لە پای هەوڵ و ئۆپەراسیۆنە بەردەوامەکانیان بۆ بەرەنگاربوونەوە و لەناوبردنی مەترسییەکانی تیرۆر لە ناوچەکەدا، لای خۆیەوە بەڕێوبەری گشتیی دژەتیرۆر، سوپاس و پێزانینی دەربڕی بەرانبەر پشتیووانی بەردەوامی هۆڵەندا لە هێزی پێشمەرگەی کوردستان بە گشتی و دژەتیرۆر بە تایبەتی. [1]