کورد دلۍ چەرخەکا تاریخینە
بەشۍ: ویس و چوارەمە
نویستەی: #هاوڕێ باخەوان#
ساڵەو (1200-- 1110) وەڵۍ زایینی
ساڵەو (1200) وەڵۍ زایینی چن قۊمیێ و دیاردێ ڕوەشا دێنە، ئانۍ کە سەرو تەختە گڵینەکاوە نویسیێنۍ و پەی ئېمە مەنېنێ:
ئیللامییەکۍ سەرکوتېنۍ ملو لۆلۆییەکارە.
ئەچی ساڵېوە تاکو ساڵەو (1100) وەڵۍ زایینی پەلامارە و هېرشو ئاشوورییەکا پەی سەرو سۆبارییەکا بەردەوام بېیەن.
هەر ئەچی سەدەنە کاشییەکۍ تەۋەنەو سنووریشان دلۍ بابلینە وەشەکەردېنە.
ساڵەو (1165-- 1151) وەڵۍ زایینی (شیلخاک ئینشوشیناکی ئیلامی) پەی چڼیین جارا هېرشش کەردەن سەرو زاگرۆسی و ئاشوورییەکا.
ساڵەو (1162) وەڵۍ زایینی دەسەڵاتو کاشی جە پانیشتو میزۆپۆتامیاینە کۊتاش ئاما.
ساڵەو (1150) وەڵۍ زایینی بنەیانەو موشکی خاوەن دەسەڵاتۍ بېنۍ ناوچەو سەرنیشتو کوردەسانیشان وستەن چېرو دەسەڵاتو وېشان.
ساڵەو (1110-- 1100) وەڵۍ زایینی سەردەمو دەسەڵاتو (تیگلات پلایزەر) ی بېیەن، کە هېرششان کەردەن سەرو سۆبارییەکا، دماجار سۆباریۍ و موشکیۍ و کارتی دلۍ بەرێوەنە یۊشان گېرت و وەرشان بە هېرششەکا گېرت.[1]