کورد دلۍ چەرخەکا تاریخینە
بەشۍ: سی و چوارەمە
نویستەی: #هاوڕێ باخەوان#
ساڵەو (720 -- 715 و.ز)
ساڵەو (720 و.ز)، ئەچی ساڵېنە ناوچەکانو سەرنیشتو ورمێ دەسو ئورارتۆیۆ بېنۍ و ناوچەکانو موکریانیچ دەسو حکومەتو ئێرانزوی پاشاو ماڼایۆ بېنۍ.
ساڵەو (719 و.ز)، ئەچی ساڵېنە ئاشوورییەکۍ نامۍ هۊزێ مادیشا بە نامۍ (زیکیرتۊ)یۆ تۊمارەکەردېنە کە سەرۆکەکەشان نامېش (میتانی) بېیەن و پایتەختەکەیچشان شارو (پەردە) ی بېیەن.هەمان ساڵەنە ئاشوورییەکۍ بەپاو داواکاری ئێرانزۆی دەسېشان وستېنە دلۍ هەرمان و کارو (ماڼا) یۆ.
ساڵەو (716 و.ز)، ئازا کوڕو ئێرانزۆی لوا سەرو تەختو (ماڼا)ی، بەڵام هەر ئەچۍ ساڵېنە ئازا پاشاو ماڼاکا کوشېیا، عەینو ساڵېنە ڕووسیا ویس و دوۍ قەڵێ ماڼایش داگیرۍ کەردۍ.
ساڵەو (715 و.ز) کەسێ بە نامۍ (دای ئوک) کە ڕەنگە دیوک پاشاو مادی بېیەبۊ، جە وڵاتو مادیۆ دوورۋزیانۆ پەی سووریای، بېجگە ئاڎیی، ئاشوورییەکۍ (4820) پېیاماقوڵۍ کوردیشا پەی سووریای دوورۍ وستېنێ. هەر چی ساڵېنە مادەکۍ دژو ئاشوورییەکا خېزیێ و ڕاپەڕیێ.[1]