کورد دلۍ چەرخەکا تاریخینە
بەشۍ: پەنجاهەمە
نویستەی: #هاوڕێ باخەوان#
ساڵەو (242 ز): ئەچی ساڵېنە شاپووری یەکەم پاشاو ساسانی دلۍ یەکەمین ساڵەو پاشاییشەنە جەنگێ گۆرەش دلۍ ناوچەو هۆلېری چەنی مادەکا کەردەن. هەر ئەچی ساڵېنە تەمامو ناوچەکانو کوردەسانی و ئەرمەنەستانی، دەسەڵاتو ئێرانی داگیرۍ کەردۍ.
ساڵەو (286 ز): ئەچی ساڵېنە (تریداد) کریا بە پاشاو ئەرمەنستانی بە فەرمانو (دیۆکلیانی) ئیمپراتۆرو ڕۆمانییەکاوە، سوپێوە گۆرېش پەنە بەخشا تاکو دەس بگېرۊن ملو ئەرمەنستانی و وەڵاتو کوردۆئینیرە.
ساڵەو (296 ز): ئەچی ساڵېنە ڕۆمەکۍ پەی جارێ تەری کوردەسانشان داگیر کەردۆ.
ساڵەو (297 ز): ڕۊخانەو دیجلەی بی بە سنوورو میانو فارس و ڕۆمی.
ساڵەو (300 ز): ئەچی ساڵېنە شارو هۆلېرۍ بېیەن بە دلېنێوە گۆرەی ئایینو فەلەیی.
سالەو (338 ز): ئیرداد کە سەردارێ کوردی بېیەن، دەسش گېرتەن ملو ئەرمەنستانیرەو بېیەن بە فەلە.
ساڵەو (343 ز): شاپوور پاشاو ئێرانییەکا دەسش کەرد بە سەرکۊتکەردەی خەڵکو ناوچەکانو کەرکووک و هۆلېری.
ئەسعەد ڕەشید.[1]