کورد دلۍ چەرخەکا تاریخینە
بەشۍ: شەسس و هەشتەمە
نویستەی: #هاوڕێ باخەوان#
ساڵەو (1030ز): داگیرکەردەی مەڵبەڼو (قوما)ی، بە دەسو ئەبولشۆک کوڕو موحەمەڎ کوڕو عەیارەی.
ساڵەو (1035ز): ئەچی ساڵېنە فەرمانڕەوایی کوردە ڕەوادییەکا ۋڕان. هەر ئەچی ساڵېنە فەرمانڕەوایی کوردە شوانکارا دلۍ ناوچەو فارسینە مەرزیانەرە.
ساڵەو (1042ز): ئەچی ساڵېنە فەرمانڕەوایی (ئەران) ی داواو یاردیدایش جە کوردەکا کەردەن، چوونکوم ڕووسەکا پەلامارە دێنۍ.
ساڵەو (1047ز): ئەچی ساڵېنە سورخاب کوڕو موحەمەڎی بە دەسو قۆمەکاش گېریان، دماتەر بە دیلی دانشان دەسو ئیبراهیمییە ناڵ کە برا گولانەو سوڵتان توغروڵی بېیەن و ئېڎییچ هەردۋۍ چەمېش هۊرکڵاشتەن.
ساڵەو (1049ز): ئەچی ساڵېنە میر جەعفەرو هەکاری کۊچی دمایینش کەردەن.
ساڵەو (1050ز): ئەچی ساڵېنە سوڵتان توغروڵ، سورخاب کوڕو موحەمەڎییش ئازاد کەردەن، کە موهەلهەلو براو سورخابی تکاش پەی کەردەن.
ئەسعەد ڕەشید.[1]