کورد دلۍ چەرخەکا تاریخینە
بەشۍ: هەشتا و حۆتەمە
نویستەی: #هاوڕێ باخەوان#
ساڵەو (1534ز): میرو سۆرانی، میر عیزەدین ئەچی ساڵېنە بە دەسو عوسمانییەکا کوشېیان. هەر ئەچی ساڵېنە شاقوڵی بەگ موحەمەڎ بەگ سەرو فەرمانو سوڵتان سلېمانی کریان بە میرو دەرزینی.
ساڵەو (1538ز): عوسمانییەکې سوپێوەشا کیاستە سەرو مەئمون بەگ کوڕو بېگە بەگی، سەردارو ئەردەڵانی، شایانو باسین ئا سوپێ فرېشان کوردۍ بیېنۍ، تاڵانیێ فرەشان دلۍ خاکو ئەردەڵانینە کەردەن. هەر ئەچی ساڵېنە بەیرام بەگ کوڕو سوڵتان حوسێن بەگی ئامێدی ئامان دنیاوە.
ساڵەو (1541ز): ئەچی ساڵېنە عوسمانییەکۍ هېزەکۍ میرنشینەکانو بادینان و هەکاری و برادۆستیشان کېیاستۍ سەرو فەرمانڕەوایا موکری و جەنگێ گۆرە مېیانو کوردی و کوردینە خېزیا، زەرەرێ فرەش چەنە کۆتەنۆ.
ساڵەو (1542ز): جەهانگیر کوڕو شا ڕۊسەمی سەردارو لوڕستانی ئەچی ساڵېنە بە دەسکیسەو شاتەهماسبی کوشېیان.[1]