کورد دلۍ چەرخەکا تاریخینە
بەشۍ: سەڎ و پەنجا و چوارەمە
نویستەی: #هاوڕێ باخەوان#

ساڵەو (1835ز):چن تۊمارێ پېوەس پی ساڵېوە پەی ئېمە مەنېنێ:
* ئەچی ساڵېنە (ئینجە بایراقدار موحەمەد پاڎشا) فەرمانڕەواو موسڵی، هېرشش کەردەن سەرو میرنشینو بادینانی جە ئامێدی، ناچاریۍ ئیسماعیل پاڎشا میرو بادینانی، پەی قەڵاو (نیروا)ی ڕەمان.
* ئەچی ساڵېنە حاجی مەلا ڕەسولی دێلێژەی شاعېر ئەشناسیا بە (موخلیس) ئامان دنیاوە.
* مەڵڵا لوتفوڵڵای شێخولئیسلامی سنەی شاعېر، ئەچی ساڵېنە ئامان دنیا.
* میرزا شەفیعی جامەڕێزی دەلۆیی شاعېر، ئەچی ساڵېنە کۊچی دمایینش کەردەن.
* نالی شاعېر ئەچی ساڵېنە کۊچش کەردەن جە مەککە پەی ئەستەمبوڵی.
* مەلا مەحمودی باکی شاعېر، ئەچی ساڵېنە ناوچەو سەقزی ئامان دنیا.
* شېخ ڕەزای تاڵەبانی شاعېر، ئەچی ساڵېنە دلۍ دەگاو (قرخ)ی، ناوچەو کەرکوکی ئامان دنیا.
* ئەچی ساڵېنە (ا. زۆبێرا) ۋتارێش سەرو کوردی دلۍ گۆڤارو شالیارگاو دلېنەو ڕووسیای وەڵاکەردېنۆ.
* مانگەو (10) ئی ساڵېنە هېزە کوردیەکۍ بە سەرداری ئەحمەڎ پاڎشای هېرششان کەردەن سەرو ئێرانی و سەرو هېزەکا ئێرانیرە سەرکۆتېنۍ.[1]