کورد دلۍ چەرخەکا تاریخینە
بەشۍ: سەڎ و شەسس و نۊهەمە
نویستەی: #هاوڕێ باخەوان#
ساڵەو (1848ز):چن تۊمارێ پېوەس پی ساڵېوە ئینێ وەردەسەنە:
* میر بەدرخان ئەچی ساڵېنە دلۍ ناوچەو ڕوکنەلدینی دیمەشقینە کۊچی دمایینش کەردەن.
* سەیدی هۆرامی شاعېر، ئەچی ساڵېنە کۊچی دمایینش کەردەن.
* ئەچی ساڵېوە تاکو ساڵەو (1852ز)، میانو ئی ساڵانە بە یاردی چوار دۆڵەتا، سنوورو میانو ئێرانی و عوسمانی دیاری کریا، بەڵام بە هۊکارو پاگیری کیانەرو تورکەکا (دەروېش پاڎشا) پەیشا نەلان سەر، چوونکوم ئاڎ داواو ناوچەکانو پانیشتو گۆلی ورمێش کەردەن.
* عوسمانیەکۍ ئەچی ساڵېنە مەدالیێوە جەنگیشان بە نامۍ مەدالیاو جەنگی کوردەسانی متەرەو سەرو ئەفسەرە کوردکوشەکارە دابەششان کەرد.
* مانگەو (11) ئی ساڵېنە، لیژنەو دەسنیشانکەردەو سنوورو میانو ئێران و عوسمانی دەسش بە هەرمانەکاش کەرد، پا جۊرە سنوورێ ڕەسمیشان دلېڕاسەو کوردەسانیرە کېشتەن.[1]