کورد دلۍ چەرخەکا تاریخینە
بەشۍ: دوەسەڎ و یاڼزەهەمە
نویستەی: #هاوڕێ باخەوان#
ساڵەو (1890ز)
* ئەچی ساڵېنە، ا. کارسێفی ڕووسی ژمارەو کوردەکا ئێران و تورکیایش بە(2،5-- 3) ملیۊن کەسۍ نیێنېرە.
* شەریف پاڎشاو خەندانی ئەچی ساڵېنە بە فەرمانو سوڵتان عەبدولحەمیدی پېسە باڵیۆزو دۆڵەتی عوسمانی جە سوید دیاری کریان.
* نویسەری ئەڵمانی(کەیپی)، ئەچی ساڵېنە دلۍ ڕۊنامێوەنە وتارێش سەرو کوردە یەزیدییەکا وەڵاکەردېنۆ.
* زانای ئەنترۆپۆلۆژیستی ئەڵمانی(فۆن لوشان)، ئەچی ساڵېنە باسێش سەرو کوردی، هامپېچ چەنی وېنێوە، دلۍ گوڤارەو سوبۆلگدینە وەڵاکەردېنۆ.
* مانگەو(11) ئی ساڵېنە، ڕۊنامە تورکییەکۍ فەرمانو پېکئاوەردەی سوارەی حەمیدیشان وەڵاکەردۆ، کە هۊزە کوردەکا پېکئاردېبېنۍ، سەرەتا قەرار پاسنەبۍ کە سوارەی حەمیدی(215) سوارۍ بان و دمایی بکریان بە(600) سوارۍ و دمای کۊتایی ئامای هەر چالاکیێشان چەکەکېشان چەنە پسانیاوە، بەڵام سەرش نەگېرت پەیشان.[1]