کورد دلۍ چەرخەکا تاریخینە
بەشۍ: دوەسەڎ و پەنجا و یەکەمە
نویستەی: #هاوڕێ باخەوان#
ساڵەو (1913ز.):
* تاریخو (#04-01-1913#ز.)، ۋانگایێوە کوردی دلۍ شارو (خوی) کریانۆ، بە سەرپەرشتی عەبدولڕەحمان بەدرخانی، چا ۋانگانە زوانی کوردی بە ئەلف و بۍ ڕووسی ۋانیان، نزیکەو (29) فېروازۍ دلېشەنە ۋانانشان، پاڵو ۋانگاکەینە نەوەشخانێ گولانەیچ بنیاڎنریان.
* تاریخو (#23-01-1913#ز.) تورکە ئیتیحادییەکۍ ئەچی ساڵېنە، بە سەرداری ئەنوەر تەلعەت کودەتێوەشا کەردەو جارێتەر بیێ بە فەرمانڕەوا.
* مانگەو (02) ئی ساڵېنە، عەبدولڕەزاق بەدرخان بە یاردی قونسوڵو ڕووسی جە شارو (خوی)، داواش کەردە ئەو ڕووسیای کە کوردئەشناسی ڕووسی (ئۆربیللی) بکیانۊ پەی کوردەسانی تاکو ڕازوانێ کوردی و فەرهەنگێ کوردی بنیۊرە و بڕێ جە بەرهەمە ئەدەبییە ڕووسییەکا هۊرگېڵنۊ پەی سەرو زوانی کوردی، هەم داواش وەنەکەردۍ کە ئەرەمەرزیێوە کوردئەشناسی دلۍ پترسبورگینە بکریۊوە.
* مانگەو (03) ئی ساڵېنە، ناوچەکانو سەرنیشتو موسڵی بە دەسو شۆڕشگېڕەکانو سەرنیشتی ئازاڎۍ کریێ.
* مانگەو (05) ئی ساڵېنە، دەسێ (لیژنە) دوە قۊڵی میانو کوردی و ئێرانینە وەشکریا، تاکو دژو دەسەڵاتو ڕووسی دلۍ وەرکۆتو کوردەسانینە کۊشش بکەرۊ.
* مانگەو (05) ئی ساڵېنە، حوسێن بەگ بەدرخان چەنی یاوەرو قونسوڵو ئەڵمانیای (گۆلدشتین)دلۍ موسڵینە کۊبییۆ.[1]