کورد دلۍ چەرخەکا تاریخینە
بەشۍ: دوەسەڎ و پەنجا و چوارەمە
نویستەی: #هاوڕێ باخەوان#
ساڵەو (1914ز.):
* ئەچی ساڵېنە، عەبدولسەلام بەرزانی و سمکۆ لوێ پەی تەفلیسی.
* ئەچی ساڵېنە، (جی. ئی. هابەرد) گەشتێش پەی کوردەسانی کەردەن.
* ئەچی ساڵېنە، ڤیلهێلم باخمان وتارێ سەربازییەش سەرو ڕاکا میانو موسڵ و وانی بە ئەڵمانی وەڵاکەردۆ.
* ئەچی ساڵېنە، جەنگی جەهانی یەکەم دەسش پەنەکەردەن.
* عادیلە خانمە، ژەنەو وەسمان پاشاو جافی، ئەچی ساڵېنە فەرمانڕەوایی هەڵەبجەیش کەردەن.
* ئەچی ساڵېنە، نامۍ گۆڤارو (ڕۆژی کورد) فاڕیان بە (هەتاوی کورد).
* دلېڕاسەو ئی ساڵۍ، ئەڵمانەکۍ و تورکەکۍ تاکو ڕادێ فرە تاواشان دلۍ وەرکۆتو کوردەسانینە سەربگنان و بییەو ڕووسەکا لاواز بکەران.
* وەهارو ئی ساڵۍ، ڕاپەڕینێ جە ناوچەو بەدلیسی ڕوەشدێنە.
* ئەچی ساڵېنە، ژمارەو ۋانکارا میانی سلێمانی (163) کەسۍ بیېنۍ.
* هامنو ئی ساڵۍ، جەنگی پارتیزانی دژو تورکی دلۍ ناوچەکانو ئەنادۆڵینە دەسش پەنەکەردەن.
* مانگەو (01) ئی ساڵېنە، لیژنەی مەرزی میانو تورکیا و ئێرانی کە پېکئامابۍ جە ڕووسیا و بەریتانیا و ئێران و تورکیا دەسش بە کارەکاش کەرد، سنوورشان چەسپنا، ئا سنوورەیچە بەشێ فرەش دلۍ کوردەسانیرە ویەرۍ.
* مانگەو (01) ئی ساڵېنە، قونسوڵو نەمسای جە تەورېزۆ لوا پەی ورمێ.
* مانگەو (01) ئی ساڵۍ، شېخ مەحموڎی بەرزنجی پەی جارێتەری کیانیاو وېش (سەی موحەمەڎ) بە نامێوە وېشۆ کیاست پەی لاو قونسوڵو ڕووسی جە مووسڵ، تاکو ڕووسەکا جە ڕاپەڕینو کوردی جە ناوچەو سلێمانی هاگاڎار بکەران و داواو یاردیشان چەنە بکەران.[1]