کورد دلۍ چەرخەکا تاریخینە
بەشۍ: دوەسەڎ و شەسس و پەنجەمە
نویستەی: #هاوڕێ باخەوان#
ساڵەو(1917ز.):
* بە هۊکارو جەنگی جەهانی یەکەمی، کشتیارەکۍ سەرنیشتو کوردەسانی نەتاوانشان پەی ماوەو دۋۍ ساڵا کشتیاری بکەران و بارو گوزەرانیشان فرە خراب بۍ.
* ئەچی ساڵېنە، بارو دارایی و ژیوای و ڕامیاری سەرنیشتو کوردەسانی خرابتەر بی.
* ئەچی ساڵېنە، کوردەکۍ ناوچەو موسڵی سەرهۊردایشان کەرد و پاڵشان دا بە ڕووسەکاوە.
* ئەچی ساڵېنە، سوپاو تورکی پەی پېڎاکەردەی قوتو لەشکرەکێش، خەڵکو ناوچەکانو دیاربەکر و موش و بەدلیسیشان بەرکەردۍ، بڕێشان ڕوەو موسڵی و ئەوۍ تەرېچشان ڕوەو حەلەب کۊچشان کەرد، فرېشان سەردایۍ و ئاورایېنە مەردۍ.
* ئەچی ساڵېنە، زاخارچینکۆ گەشتێش پەی کوردەسانی کەردەن.
* ئەچی ساڵېنە، سەعید ناکام دلۍ شارو مەهابادی، وەرکۆتو کوردەسانی ئامان دنیا.
* ئەچی ساڵېنە، دڵداری شاعېر جە شارو کۆیەی ئامان دنیا، نامۍ تەمامەش (یونس ڕەئووف کۆیی)ن.
* ئەچی ساڵېنە، تورک فرەو نیشتەجایەکانو ناوچەو دیاربەکریش پەی ناوچەکانو موسڵی و حەلەبی و ئەدەنەی کۊچپەنەکەردۍ.
* ئەچی ساڵېنە، نویسەر و ئەدیب عیزەدین فەیزی ئەفەڼی دلۍ شارو هۆلېری ئامان دنیا.
* مانگەو(02) ئی ساڵېنە، ڕووسەکۍ ناوچەکانو هەمەڎان و کرماشان و خانەقینیشان داگیرۍ کەردۍ.[1]