ئەوەی بەخێوکات بێچووی گورگی، کاتێک گەورە بوو دەدڕێت ورگی
گورگ ئاژەڵێکی کێوی و دڕندەی گۆشتخۆرە، ماڵی نابێت و یان زۆر خراپ ماڵی دەبێت، کە ماڵیش بوو جێگەی متمانە نییە، چونکە سرووشتی خۆی کێوی و دڕندە و گۆشتخۆرە، ئەگەر بە شیری مەڕی گۆش و گەورە بکرێت کە گەورە بوو ورگی مەڕ و کار و بەرخان دەدڕێت، ئەوە بە کەسێک دەوترێت کە جێگەی متمانەی نەبێت و لە خۆتی نزیک بکەیتەوە هەر زیانێکت لێ دەدات بۆیە وتراوە: ئەوەی بەخێوکا بێچووی گورگی، کاتێک گەورە بوو دەدڕێ ورگی. [1]