دهۆڵا
#کومەڵگەها دهۆڵا# ئەڤ کومەڵگەهە دکەڤیتە باکورێ باژێڕۆکێ شنگال، و ئاکنجیێن ڤێ کومەڵگەهێ هەموو ئێزدینە. هەرهۆسا چەندین جهێن پیرۆزێ ئاینێ ئێزدیان دکەڤنە #کومەڵگەها دهۆڵا# و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها دهۆڵا لدیف ئامارێن بەری هاتنا داعش بۆ شنگال ل ساڵا 2010 نێزیکی ( 14،000) چاردە هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ کومەڵگەها دهۆڵا هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەری باژێڕۆکێن #دهۆک# و #زاخۆ# و #سلێمانی# بوینە و هەروەسا کۆچکرینە بۆ وەڵاتێن ئۆرەپی. (153) دوو سەد و شەش کەس ژ کومەڵگەها دهۆڵا بووینە قوربانی دەستێ دەولەتا ئیسلامی یا ب ناڤێ داعش، کۆمەڵا وان کەسێن بوینە قوربانیێ دەولەتا ئیسلامی یا ب ناڤێ داعش 66 زەلام بوون و 87 ژن بوون، 13 زەلام و 4 ژن هاتن ئەنفالکرن، 9 زەلام و 8 ژن هاتە بێسەر و شوێن کرن، 44 زەلام و 75 ژن هاتن ڕزگار کرن ژ دەستێ دەولەتا ئیسلامی ب ناڤێ داعش، گەلەک ژ وان کەسێن ڕزگار بووی نهۆ ل وەڵاتێن ئۆرەپی و کوردستانێ ئاکنجینە، لێ د نهۆ دا کومەڵگەها دهۆڵا گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 225 جار بینراوە
ڕای خۆت دەربارەی ئەم بابەتە بنووسە!