ناوچەی ئالانی سەردەشت(ڕۆژهەڵات)
ئەم ناوچەیە پێکهاتووە زیاتر لە 50 گوندو موچەی گەورەو بچوک، گوندی #بێژوێ# کراوەتە شارەدێ (بەخشی) ناوچەکە لە سنووری شاری سەردەشت لە ڕۆژهەڵاتی کوردستان و لە ناو سنووری کۆماری ئیسلامی ئێران، ناوچەی ئالانی ڕۆژهەڵات لەگەڵ ناوچەی ئالانی باشوور هەردووکی هەر یەک ناوچەن، تەنها سنووری دەستکرد کردوویەتی بە دووپارچەو هەر پارچەی کەوتووەتە ناو سنووری دەوڵەتێکی جیاواز و چەمی کەڵوێ کراوەتە سنووری نێوانیان، زمان و کلتوورو و ئاین لەم ناوچەیەدا هیچ جیاوازیەکی نەبووەو نیە.
ناوچەی ئالان ناوچەیەکی شاخاوی خاوەن زەوی بەپیت و ئاوی سازگار و بەرهەمی ئابووری تایبەت بەخۆیەتی، ئەم ناوچەیە بە خاوەن میوەی جوانی وەک گوێز، هەنار، هەرمێ، ترێ و هەنجیر ناسراوە، ئالان یەکێکە لە ناوچە گەشتیاریە جوانەکانی کوردستان.
ئالان بەشێکە لە وڵاتی موکریان و مێژوویەکی دێرینی تایبەت بەخۆی هەیە و لە کتێبە مێژووییەکاندا تایبەتمەندی خۆی پێدراوە، بەڵام هەتا ئێستا لە هیچ بووارێکدا مافی خۆی وەرنەگرتووەو توێژینەوەی پێویست لەسەر ئەم ناوچە گرنگە نەکراوە.
[1]
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,096 جار هاتیە دیتن
ڕایا خو دەربارەی ڤی بابەی بنڤێسە!