کە لە #کەلار# کتێبەکانی فەرهادیان سووتاند، ئەم دەقەم بۆ نووسی
2010
کتێبەکانی فەرهاد
لەکەلار؛
ئاگر بەربۆتە گوڵەگەنم
زەردەخەنەی بووکەشووشە
ڕووبارەکانی ئەفراندن
مەزراکانی شێت ی!
بەربۆتە ئەو ماسیانەی،
فەرهاد لە خنکان ڕزگاری کردن
ئەو کارمامزەی لە سێرەی ڕاوکەر دووری خستنەوە
ئەو سپیدارانەی لە وشکەساڵیدا، تێراوی کردن.
گوێم لە هاواری گوڵی حەرف و
پەپوولەی وشەیە.
بۆنی هەڵکڕوزانی جۆگەلەی ڕستە دەکەم.
لەکەلار؛
ئاگر بەربۆتە ئابڕوو
بەربۆتە مەمکی حەیران
بەربۆتە منارەی چۆلی
بۆکڕووز دێ..
بۆ کڕووزی ڕدێنە نوورانیەکەی هەلاج
بۆکڕووزی پرچە زیوینەکەی پیرباڵ
لەکەلار؛
عیسا دەدەن لە خاچ
دوعایەکی تر دەکوژن.
ئاخیر زەمانە لە کەلار.
ناوی نووسەر: #قوباد جەلیزادە# [1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 312 times
Write your comment about this item!