حکومەتی هەرێم بەپلانێک کار بۆ بەگەڕخستنەوەی کارگە لەکارکەوتووەکان دەکات و ئەندامێکی لیژنەی کشتوکاڵیش ژمارەی ئه و کارگانە ئاشکرادەکات و ڕایدەگەیەنێتکام کارگە زۆرگەورەیە بەچوار مانگ دەکەوێتەوەکارو بەرهەمی دەبێت.
خەڵەف ئەحمەد ئەندامی لیژنەی کشتوکاڵ لە #پەرلەمانی کوردستان# بەSNNی ڕاگەیاند: دوای دروستکردنی لیژنەیەک بۆ کارکردن لەسەر بەکارخستنەوەی کارگە حکومییەکان لەلایەن وەزارەتی پیشەسازییەوە، لەئێستادا لیژنەکە دەستبەکاربوون.
ئاماژەی بەوەشدا،لیژنەکە لەهەوڵی کۆکردنەوەی زانیاری وردە لەسەر کارگەکان و پۆلێنکردنیان، بەمەبەستی بەکارخستنەوەیان، دواتر شێوازی بەکارخستنەوەیان بەپێی جۆری کارگەکە دەخرێتەڕوو.
ئه و پەرلەمانتارەی یەکێتی، وتیشی: ژمارەی کارگە لەکارکەوتووەکانی حکومەتی هەرێمی کوردستان نزیکەی (دوو هەزارو سەد)کارگەیە، هەریەکەیان گرنگی و تایبەتمەندی باشی دەبێت لەسەر بوژاندنەوەی کەرتی ئابووری هەرێم.
خەڵەف ئەحمەد، دەڵێت: ئەگەر حکومەت بیەوێت، کام کارگە زۆرگەورەیە بەچوار مانگ دەکەوێتەوەکارو بەرهەمی دەبێت، چونکە کارگەکان بینا و مۆڵەتی کارکردنیشیان هەیە، لەئێستاشدا کارئاسانی زۆرکراوە بۆهێنانی کەلوپەل لەدەرەوەی وڵات.[1]
11-09-2017