کورد دلۍ چەرخەکا تاریخینە
بەشۍ: یەرەسەڎ و ڼۊزڎەهەمە
نویستەی: هاوڕێ باخەوان
ساڵەو (1925ز.)
* ئەچی ساڵېنە شېخ محەمەڎ شېخ ڕەزای تاڵەبانی شاعېر، کۊچی دمایینش کەرڎەن.
* ئەچی ساڵېنە، مەجدی شاعېر کۊچی دمایینش کەرڎەن.
* ئەچی ساڵېنە، عەلی عەبدوڵڵا شۆنمی شاعېر جە شارو هەڵەبجەی ئامان دنیا.
* ئەچی ساڵېنە، کتېبېیانەو (قادر ئاغای عەتار) جە سلېمانی مەرزیارە.
* ئینگلیزەکۍ ئەچی ساڵېنە، ئامینە خانەی نەقیبەشان پەی ماوەو دۋۍ ساڵا دوورە ۋستۆ پەی دەگاو عالیاوای جە ناوچەو گڵەزەردەو سلېمانی، بە تۊمەتو ژڵېوەی دژو ئینگلیزەکا.
* ئەچی ساڵېنە، دیڎەوانی میانو خۊنکارا شارو سلېمانی درووس بی.
* نمایېشو شانۊ (قارەمانو کورڎی) دلۍ یانەو خاتوو بەهێی، ئەڎاو شېخ بابا عەلی شېخ مەحمووڎی.
* بەپاو ئەنسیکلۆپیدیای ڕووسی، ژمارەو کورڎی جە سەرنیشت ملیون و نیمێن.
* ئەچی ساڵېنە، وشکنایە ئاڕکیۆلۆژییەکۍ ناوچەو ترگەلانو کەرکوکی، جە لاو زانایا (دکتۆر کۆرنەر و پرۆفیسۆر چیرا)یۆ ئەنجام دریێ.
* ئەچی ساڵېنە، عەبدولحەمید بەگو جافی بېیەن بە قائیمقامو هەڵەبجەی.
* میانو ڕېککۆتەنامێوە، ئینگلیزەکۍ مافو بەرئاوەردەی پەترۆڵیشان پەی ماوەو (75) ساڵا ناوچەو کەرکەکی زامن کەرد.
* پرۆفیسۆر چیرا، وشکنای ئارکیۆلۆژییش جە ناوچەو (نوزی_ کەرکوکی کۊن) کەرد و چڼین تەختە گڵینېش ئېستێ.
* ئەچی ساڵېنە، هونەرمەڼی هۊرانیواچ موحەمەڎی ماملێ جە شارو مەهابادی، دلۍ بنەیانێ هونەرینە ئامان دنیا.
* ئەچی ساڵېنە، شوکری فەزڵی شاعېر، کۊچی دمایینش کەرڎەن، نامبریا تەنیا بە پارچە شېعرێ نامبانگش بەرکەرد.[1]