دووەم ڕۆژی ڕکابەرییەکانی پاڵاوتن بۆ گەیشتن بە ڕیزی هەڵبژاردەی گۆڕەپان و مەیدانی کوڕان و کچانی ئێراق بەڕێوەچوو ، لەسەر ئاستی کچان ، هەردوو کچە پاڵەوانی یانەی وەرزشی پێشمەرگە #چاوان بەهادین# و #نەورۆز ئەحمەد# پلەکانی یەکەم و دووەمیان بەدەست هێنا .
لە یاری سێ باز و بۆ ئاستی کچان چاوان بەهادین کە دوایی پێکانەکەی دوور کەوتبۆوە لە ئەنجامەکانی یەکەمی ، توانی دووبارە بچێتەوە سەر ڕێچکەی سەرکەوتن و نازناوەکان و پلەی یەکەمی بە تۆمارکردنی 11، 73 مەتر بڕی و بووە یاریزانی هەڵبژاردەی ئێراق .
ئەمە و نەورۆز ئەحمەدی کیژە یاریزانی لاوی هەمان یانە بە 11، 40 م پلەی دووەمی دەستەبەر کرد ، سەبارەت بە و ئەنجامانەی کچانی پێشمەرگە لەپاڵاوتنی هەڵبژاردەی ئێراق نزار ئەکرەم سەرپەرشتیار و ڕاهێنەری تیپی گۆڕەپان و مەیدانی یانەی وەرزشی پێشمەرگە بە پێشمەرگە سپۆرتی ڕاگەیاندوو وتی ، بە سێ کیژە یاریزان بەشداری ئەو پاڵاوتنەمان کرد کە خۆش بەختانە ئەڤین سەعید لە یاری 400 مەتر پلەی یەکەمی بەدەست هێنا و لە یاری سێ بازیش هەردوو کیژە یاریزانمان چاوان و نەورۆز پلەکانی یەکەم و دووەم یان مسۆگەر کرد ، نزار وتیشی ، تیپەکەمان هەمیشە یاریزانی لەنێو کێبڕکێکان هەبووە و نوێنەرایەتی هەڵبژاردەی ئێراقمان لەپاڵەوانێتییە دەرەکییەکان کردووە .
بڕیارە لە ڕێکەوتی 20 تا 24 ی حوزەیرانی 2023 و لە وڵاتی جەزائیر پاڵەوانێتی گۆڕەپان و مەیدانی وڵاتانی عەرەبی بەڕێوە بچێت و هەڵبژاردەی ئێراقیش لەسەر هەردوو ئاستەکانی کوڕان و کچان لەو کێبڕکێیەدا بەشداری دەکات .[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 412 times
Write your comment about this item!