ب دەستووری خودێ
من نەدڤیا رۆژەکێ ئەز بگریم
بەس نەخۆشیا زەمانی ئەز گریاندم
من دڤیا ئەز بژیم وەکی من دڤیا
بەلێ ئەز ژیام وەکی زەمانی دڤیا
چەند سەبەقێن پیرۆز ژ علمێ خودێ بۆ خەلکێ خودێ ناس
ھوون بفکرن ل بەدیلا
گوھێ خۆ مەدەنە غافلا و بەخیلا
رۆناھی ژ ناڤ مە رابوو چۆ قەندیلا
***
ھوون بوختانیێ مەکەن بران
دلێ خۆ سافی کەن ژ غەدران
زۆر ژ ڤێ دنیایێ چۆن ب گونھێت گران
***
ھوون حەدەکی دنیڤەکا خۆ دا دەینن
خۆ ژ تەمایا مالێ دنێ را نەشکینن
نەفسا کوبار خۆ ژێ بدورینن
دا دیوانێت خاسا بحەسلینن
***
ھون حەدەکی دانێن ل نیڤەکا خۆ و خەلکێ یە
یەک دچە و یەک دتێ یە
دنیا بەحرە ئەم دێ کەڤینە بەر مەوجێ یە
***
دبێژمە وە خودانێت ماشا
ب نەپەنی ھوون مەکەن شاشا
رۆژەکێ دێ خونتە دیوانێ پەدشا
***
ھنجیێ ب حەرامی بخۆت ماشە
ل دیوانا جندیا ئەوی حاشە
سلتان ئێزی دێ وی ھاڤێتە پاشە
***
گەلی ئێزدیا: ئیمان ئەوە یا وە بری
چاڤ نەدەنە خەلکێ مشەمری
دا زوڕەتێ وە ل پێ وە دەر نەکەڤت کفری
***
گەلی برا ھوون نە بەتلن
ب رێیا ھەقیێ ب وەسلن
دا ب ھەق و حەسابا نەخسرن
***
یێ تەمام خودێ یە.[1]